Matta 16:13 - Ṯarifiṯ 2020

¹³ Wami yuweḍ Ƹisa ɣar jjiheṯ n ṯendint n Qayṣariya n Filippas, isseqsa imeḥḍaren nnes inna-asen: "Min qqaren yiwḏan x Mmis n bnaḏem?"

Matta 16:13 ပူးပေါင်းရင်းမြစ်များ

Matta 12:32

Wenni ɣa yinin can wawaȓ war iḥȓin x Mmis n bnaḏem, ataf axas iɣfar. Walakin wenni ɣa yinin can wawaȓ war iḥȓin x Arruḥ iqeddsen, ataf war xas iɣeffar ca lla ḏi ddunect-a u lla ḏi lʼaxira.

Matta 12:40

Amec iseƹḏu Yunes ṯeȓtiyyam jar ǧiyaȓi ḏ wussan ḏeg uƹeddis n usȓem ameqqran, amenni iy ɣa iseƹḏu Mmis n bnaḏem ṯeȓtiyyam jar ǧiyaȓi ḏ wussan ḏeg uƹeddis n ṯmurṯ.

Matta 12:8

Ȓaḥeqqac Mmis n bnaḏem ig iǧan ḏ lḥakem x nhar n ssebṯ."

Matta 13:37

Indeq-d Ƹisa inna-asen: "Wenni izerrƹen zzarriƹeṯ ṯaṣebḥant netta ḏ Mmis n bnaḏem.

Matta 13:41

Aḏ d issekk Mmis n bnaḏem lmalaʼikaṯ nnes, aḏ kksent zi ȓmulk nnes marra min itsebbaben ḏi ȓmuƹṣiyaṯ ḏ yinni iteggen ccarr.

Matta 15:21

Ikkar Ƹisa yuyur ssenni iruḥ ɣar jwayeh n ṯendint n Ṣur ḏ ṯendint n Ṣayda.

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Matta 25:31

Xmi d ɣa yas Mmis n bnaḏem s lƹaḍama nnes, akiḏes marra lmalaʼikaṯ, aḏ iqqim x lƹarc nnes n lƹaḍama.

Matta 8:20

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Matta 9:6

Nec xseɣ aḏ tessnem belli Mmis n bnaḏem ɣares ssulṭa x ṯmurṯ ḥima aḏ iɣfar ȓmuƹṣiyaṯ." Uca inna-as i unecruf nni: "Kkar, ysi ṯassuṯ nnec, ruḥ aḏ trewwḥeḏ ɣar ṯeddarṯ nnec!"

Marqus 10:45

Mmis n bnaḏem uȓa ḏ netta war d yusi ca ḥima axas xeḏmen yiwḏan; Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Yuḥanna 1:51

Aqa tesȓam ȓḥaqq: Aḏ teẓrem ajenna innurzem, lmalaʼikaṯ n Arebbi taȓint hewwant-id x Mmis n bnaḏem."

Yuḥanna 12:34

Nnan-as ȓɣaci nni: "Neccin nesȓa zi min iqqar Lkitab qa Lmasiḥ aḏ iqqim i ȓebda. Iwa, mammec ṯeqqareḏ cek qa Mmis n bnaḏem itxeṣṣa aḏ itwasbedd ḏeg ujenna? Min iƹna Mmis-a n bnaḏem qaƹ?"

Yuḥanna 3:14

Amecnaw mammec isbedd Musa fiɣer n neḥḥas x ṯeḥnact ḏi ȓexȓa, ammu itxeṣṣa aḏ itwasbedd Mmis n bnaḏem ḏeg ujenna.

Yuḥanna 5:27

Yuca-as ƹaweḏ jjheḏ ḥima aḏ iḥaseb minzi netta ḏ Mmis n bnaḏem.

Ȓexḏayem 7:56

Inna: "Aqa twaȓiɣ ajenna inurzem ḏ Mmis n bnaḏem ibedd x ufusi n Arebbi."