Matta 15:27 - Ṯarifiṯ 2020

²⁷ Ṯenna-as ṯemɣarṯ nni: "Ɣarek ȓḥaqq a Siḏi, walakin uȓa ḏ iqzinen nni tetten ifetwitten n uɣrum ig itweṭṭan zi ṭabȓa n ayṯbab nsen."

Matta 15:27 ပူးပေါင်းရင်းမြစ်များ

Matta 15:26

Indeq-d Ƹisa inna-as: "Maci maƹqul aḏ itwakkes uɣrum n iḥenjiren aḏ imenḍar i iqzinen."

Matta 15:28

Ikkar Ƹisa inna-as: "Cem a ṯamɣarṯ, lʼiman nnem ijheḏ s waṭṭas!" Inna-as: "Min ṯrezzuḏ aḏ tafeḏ." Ḏi ṯsaƹƹat nni ṯgenfa yeǧis.

Matta 5:45

ḥima aḏ tiȓim ḏ ṯarwa n Babaṯwem iy iǧan ḏeg ujenna. Ȓaḥeqqac itsummur-d ṯfuct x yinni iṣebḥanen ḏ yinni iƹeffanen. Iticc anẓar i yinni iteggen ȓxir ḏ yinni iteggen ccarr.

Matta 8:8

Indeq-d uƹaskari nni ameqqran inna-as: "Lla a Siḏi, nec war sḏihiǧeɣ ca aḏ taḏfeḏ ɣar ṯeddarṯ inu. Ini ɣir ijjen n wawaȓ u ṣafi ataf aḏ igenfa uxeddam inu.

Marqus 7:28

Ṯarra xas ṯemɣarṯ nni ṯenna-as: "Ɣarek ȓḥaqq a Siḏi, walakin uȓa ḏ iqzinen nni iǧan swadday n ṭabȓa tetten ifetwitten n uɣrum ig itweṭṭan zeg iḥenjiren."

Luqa 16:21

Itmenna aḏ icc min iweṭṭan zi missa n ttajar nni. Arnin-as uȓa ḏ iqzinen tasen-d ȓessḥen-as ṯiḥebba nnes.

Luqa 18:13

Walakin wenni ijemmƹen ḍḍariba ibedd ɣar ȓeggwaj. War izƹim ḥetta aḏ iysi ṯiṭṭawin nnes ɣar ujenna, iccaṯ ḏeg wuȓ nnes inna: Ya Arebbi, rḥem-ayi nec ḏ lƹaṣi!

Ayṯ-Ruma 10:12

Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

Ayṯ-Ruma 3:19

Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Ayṯ-Ruma 3:29

Iwa Arebbi, ma netta ḏ Arebbi n Ayṯ-Israʼil waha? Lla! Ma war iǧi uȓa ḏ Arebbi n yiwḏan war iǧin ca zi Ayṯ-Israʼil? Wah, ḏ Arebbi nsen uȓa ḏ niṯni.

Ayṯ-Ruma 3:4

Ƹemmarṣ! Ȓaḥeqqac Arebbi iqqar lḥaqiqa waxxa iwḏan marra sxerriqen. Mammec iqqar Lkitab:

Ayṯ-Ufasus 3:19

Aḏ tessnem ƹaweḏ mliḥ ȓemḥibbeṯ-a ṯanita n Lmasiḥ mecḥaȓ ṯemɣer x marra ṯusna ḏi ddunect-a bac aḏ teccarem s min iccur Arebbi.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.