Matta 15:14 - Ṯarifiṯ 2020

¹⁴ Jjem-ṯen! Niṯni ḏ iḍarɣaȓen tjarran iḍarɣaȓen. Meȓa aḍarɣaȓ ijarr aḍarɣaȓ, ataf aḏ wḍan s ṯnayen iḏsen ḏi can ṯesrafṯ."

Matta 15:14 ပူးပေါင်းရင်းမြစ်များ

Luqa 6:39

Issiweȓ akiḏsen ƹaweḏ Ƹisa s yijjen n ȓmaƹna inna-asen: "Aḍarɣaȓ, ma aḏ ijarr aḍarɣaȓ? Ma war weṭṭin ca s ṯnayen iḏsen ḏi can ṯesrafṯ?

Yuḥanna 9:39

Inna Ƹisa: "Usiɣ-d ɣar ddunect-a aḏ ḥasbeɣ ḥima yinni iǧan ḏ iḍarɣaȓen aḏ twaȓan, yinni itwaȓan aḏ ḍerɣȓen."

1 Timutawus 6:5

Iryazen-a thewwaȓen jarasen s ȓaƹquȓaṯ nsen iƹewwjen ṯweddar-asen lḥaqiqa. Tfekkaren belli lʼiman ḏ ijjen n ubriḏ bac aḏ rebḥen tmenyaṯ.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

2 Buṭrus 2:17

Iṯarrasen-a niṯni ḏ ȓaƹnaṣeȓ bȓa yaman ḏ ṯayyuṯ iy ṯneddeh lƹaṣifa waha. Niṯni ṯetwassewjeḏ-asen ijjen n ṯaǧest ḏ ṯabercant aṭṭas.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.