Matta 15:11 - Ṯarifiṯ 2020

¹¹ Ma ḏinni ca n ṯmesȓayṯ itaḏfen aqemmum tḥarram bnaḏem?" Inna-asen: "Lla, min d iteffɣen zeg uqemmum aqa manayenni ig itḥarramen bnaḏem."

Matta 15:11 ပူးပေါင်းရင်းမြစ်များ

Matta 15:10

Iȓaɣa-d Ƹisa i ȓɣaci inna-asen: "Sennṭeṯ mliḥ, fehmeṯ:

Matta 15:12

Qarrben-d ɣares imeḥḍaren nnes nnan-as: "Ma ṯessneḏ belli ifarrisiyen war ḏasen iƹjib bu ȓḥaȓ wami sȓan i wawaȓ nnec?"

Marqus 7:15

Ma ḏinni ca n ṯmesȓayṯ itaḏfen ḏi bnaḏem zi barra tḥarram-iṯ? Lla, walu. Aqa min d iteffɣen zi bnaḏem aqa ḏ manayenni iy ṯ itḥarramen.

Ayṯ-Ruma 14:14

Nec ssneɣ u mteyyqen ḏi Siḏiṯneɣ Ƹisa aqa min nettet war ḏayes bu can ȓḥajeṯ ḥram. Walakin itiȓi ḥram x wenni iy t itwaȓan ḥram.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 14:20

War heddem ca ȓxeḏmeṯ n Arebbi ƹlaḥsab lmakla. Ḏ ṣṣaḥ marra min iǧan netta ḥalal, walakin ḏ ȓƹib meȓa ṯɣeḍȓeḏ can yijjen s ssabab n min tetteḏ.

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.

Titus 1:15

Aqa yinni ig iǧan ṣfan ataf qaƹ ṯimesȓayin aḏaysen iȓint ṣfant. Walakin yinni ixenzen war uminen ca ataf war ḏaysen tiȓi uȓa ḏ ijjen n ṯmesȓayṯ ṯeṣfa. Ataf ȓƹaquȓaṯ nsen ḏ ḍḍamiraṯ nsen s ṯnayen texnizen.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.