Matta 14:3 - Ṯarifiṯ 2020

³ Qbeȓ i manaya, azeǧiḏ Hirudus tuɣa iṭṭef Yaḥya icedd-iṯ iggi-ṯ ḏi ȓeḥbes x ssabab n Hirudiya ṯamɣarṯ n wumas Filippas.

Matta 14:3 ပူးပေါင်းရင်းမြစ်များ

Matta 11:2

Wami Yaḥya aqaṯ ḏi ȓeḥbes, isȓa x ȓexḏayem n Lmasiḥ. Issekk can imeḥḍaren nnes ɣar Ƹisa

Matta 14:6

Wami igga uzeǧiḏ Hirudus ȓƹiḏ lmilad nnes, ṯekkar yeǧis n ṯemɣarṯ nnes Hirudiya ṯecḍeḥ zzaṯ i inewjiwen, iƹjeb-as ȓḥaȓ i uzeǧiḏ Hirudus.

Matta 4:12

Wami isȓa Ƹisa belli Yaḥya aqa itwaḥebbes, iƹqeb ɣar Naṣira ɣar ṯmurṯ n Ljalil.

Marqus 6:14

Azeǧiḏ Hirudus yarra-d ȓexbar x min itegg Ƹisa minzi isem nnes iḏweȓ maƹruf aṭṭas. Ḏinni can yiwḏan qqaren qa wanita iƹni ḏ Yaḥya nni, itwasekkar-d netta zi ȓmewṯ! S manaya iy ɣares jjheḏ iy zi itegg lmuƹjizaṯ-a.

Marqus 6:17

Qbeȓ i manaya, azeǧiḏ-a Hirudus imȓec ak yijjen n ṯemɣarṯ qqaren-as Hirudiya. Hirudus netta ḏ aȓwes n Hirudiya. Tuɣa nettaṯ qbeȓ ḏ ṯamɣarṯ n Filippas. Issekk Hirudus aḏ ṭṭfen Yaḥya wami tuɣa ḏas iqqar: Ḥram cek aḏ tawiḏ ṯamɣarṯ n wumac. Iḥebbes-iṯ ḏi ȓeḥbes.

Marqus 6:19

Hirudiya ṯenḍar ḏayes ṯiṭṭawin ṯrezzu aṯ tneɣ walakin war ṯzemmar.

Marqus 6:22

Ṯuḏef-d yeǧis n Hirudiya ṯecḍeḥ, iƹjeb-as ȓḥaȓ i uzeǧiḏ ḏ inewjiwen nnes. Inna-as uzeǧiḏ i ṯḥenjirṯ nni: "Ttar-ayi min ṯexseḏ, aḏam ṯ uceɣ."

Marqus 8:15

Iweṣṣa-aṭen Ƹisa inna-asen: "Cuf! Ḥḍam ixef nwem zeg untun n ȓḥizeb n ifarrisiyen ḏ untun n uzeǧiḏ Hirudus."

Luqa 13:1

Ḏi nhar nni ḥḍaren-d can yiwḏan xebbaren Ƹisa x ca n yiwḏan zi Ayṯ-Ljalil tuɣa ɣarrṣen i dbiḥaṯ nsen wami d yusa lḥakem ḏ arumani Bilaṭus inɣi-ṯen, iḏammen nsen xellṭen ak iḏammen n dbiḥaṯ nsen.

Luqa 13:31

Nhar nni qarrben ȓebƹaḍ zi ȓḥizeb n ifarrisiyen ɣar Ƹisa nnan-as: "Ffeɣ ssanita aqa azeǧiḏ Hirudus irezzu ac ineɣ!"

Luqa 23:11

Iḥeggar-iṯ Hirudus ḏ ȓƹaskar nnes ḍeḥḥcen xas. Igga xas aseȓham ḏ aṣebḥan, yarr-iṯ ɣar Bilaṭus.

Luqa 23:7

Wami issen belli Ƹisa zi ṯmurṯ nni mani iteḥkam Hirudus, ikkar issekk-iṯ ɣar Hirudus iǧan netta s yixef nnes ḏi ṯendint n Lquds ḏi ȓweqṯ nni.

Luqa 3:1

Azeǧiḏ Qayṣar Tibaryus yuweḍ xemessṭacar ssna zeg wami iteḥkam, lƹam nni ƹaweḏ Bilaṭus Lbanṭi netta ḏ lḥakem x Yahuḏiya, Hirudus netta ḏ lwali x Ljalil, umas Filippas netta ḏ lwali x Iṭurya ḏ jwayeh n Tarxanitis, Laṣan netta ḏ lwali x Abilina,

Luqa 8:3

ḏ Ayunna ṯamɣarṯ n Xuzi lwakil n Hirudus, ḏ Suzana, ḏ ṯinneḍni aṭṭas iy tƹawanent s wagȓa nsent.

Ȓexḏayem 12:1

Ḏi ȓweqṯ nni, azeǧiḏ Hirudus ibḏa itƹeddab ȓebƹaḍiṯ zi jmaƹeṯ n ȓmuminin.

Ȓexḏayem 4:27

Li'anna ḏ ṣṣaḥ azeǧiḏ Hirudus ḏ lḥakem Bunṭyus Bilaṭus munen ak Ayṯ-Israʼil ḏ yinni war iǧin ca zi Ayṯ-Israʼil ḏi ṯendint-a. Tafqen ḍed i uxeddam nnec iqeddsen Ƹisa iy ṯixḍareḏ.