Matta 14:19 - Ṯarifiṯ 2020

¹⁹ Yumar ȓɣaci nni aḏ qqimen x arbiƹ. Iṭṭef xemsa n ṯxebbazin nni ḏ ṯnayen n iseȓman nni, iysi ṯiṭṭawin nnes ɣar ujenna icekkar Arebbi. Irza ṯixebbazin nni x ṯnayen yuca-asen-ṯent i imeḥḍaren nnes, ȓexddenni ferqen-ṯent x yiwḏan nni marra.

Matta 14:19 ပူးပေါင်းရင်းမြစ်များ

Matta 14:18

Inna-asen: "Awim-ayi-d manayenni ɣari nec."

Marqus 6:39

Ikkar Ƹisa yumar-iṯen ḥima aṯen sɣimen marra ḏ lfirqaṯ x arbiƹ aziza.

Marqus 6:41

Iysi xemsa nni n ṯxebbazin ḏ ṯnayen nni n iseȓman iysi ṯiṭṭawin nnes ɣar ujenna uca icekkar Arebbi. Irza aɣrum nni yuca-asen-ṯ i imeḥḍaren nnes ak ṯnayen n iseȓman nni ḥima aṯen ferqen x yiwḏan nni marra.

Marqus 7:34

Iysi ṯiṭṭawin nnes ɣar ujenna issuḥreṯ inna: "Ifataḥ!" (Awaȓ-a ixes aḏ yini twarzmen.)

Luqa 22:17

Iysi-d Ƹisa ȓkas icekkar Arebbi inna-asen: "Ysim ȓkas-a, ferqem-ṯ jarawem.

Luqa 22:19

Iysi aɣrum icekkar Arebbi irzi-ṯ yuca-asen-ṯ inna-asen: "Ḏ wa ig iǧan ḏ ddat inu iy ɣa immucen ƹlaḥsab kenniw. Teggeṯ manaya ḥima aḏayi ṯfekkarem."

Luqa 24:30

Wami akiḏsen iqqim aḏ icc, ikkar iysi aɣrum icekkar Arebbi irzi-ṯ ibḏa ifarreq-asen-ṯ.

Luqa 9:14

(Minzi ḏinni can xemsaȓaf n iryazen.) Inna-asen Ƹisa i imeḥḍaren nnes: "Sɣimem-ṯen ḏ lfirqaṯ, xemsin xemsin."

Luqa 9:16

Ikkar iṭṭef xemsa nni n ṯxebbazin ḏ ṯnayen nni n iseȓman, iysi ṯiṭṭawin nnes ɣar ujenna uca icekkar Arebbi. Irza aɣrum nni yuca-asen-ṯ i imeḥḍaren nnes ḥima aṯ ferqen x yiwḏan nni marra.

Yuḥanna 11:41

Uca niṯni sbeƹƹḏen azru nni. Iysi Ƹisa ṯiṭṭawin ɣar ujenna inna: "Tcekkareɣ-cek a Baba ṯestajbeḏ-ayi.

Yuḥanna 6:23

Ssenni usint-id ṯɣarruba nneɣni zi ṯendint n Ṭabarya ɣar umcan nni mani ccin aɣrum nni mani icekkar Ƹisa Arebbi.

Ȓexḏayem 27:35

Wami inna awaȓ-a, ikkar iysi-d aɣrum icekkar Arebbi zzaṯsen marra, irez-iṯ ibḏa itett-iṯ.

Ayṯ-Ruma 14:6

Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

1 Ayṯ-Kurinṯ 10:16

Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ.

1 Ayṯ-Kurinṯ 10:31

Iḏen, meȓa ṯsessem niɣ tettem niɣ min ma teggem, ggeṯ marra manayenni bac aḏ itwasemɣar Arebbi.

1 Ayṯ-Kurinṯ 11:24

wami icekkar Arebbi irez-iṯ inna: "Ḏ wa ig iǧan ḏ ddat inu iy ɣa immucen ƹlaḥsab kenniw. Teggeṯ manaya ḥima aḏayi tfekkarem."

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.