Matta 13:47 - Ṯarifiṯ 2020

⁴⁷ Ȓmulk ujenna amecnaw ṯracca inḍar-it ij ubeḥri ḏi ȓebḥar, ṯeṭṭef mkuȓ nnuƹ n usȓem.

Matta 13:47 ပူးပေါင်းရင်းမြစ်များ

Matta 13:44

Ȓmulk ujenna amecnaw ijjen n ȓkenz ixzen ḏi can umarjeƹ, yufi-ṯ can ḥadd iƹaweḏ isnuffar-iṯ. Uca s ȓefraḥeṯ nni iy ḏayes, izzenz marra min ɣares isɣa amarjeƹ nni.

Matta 13:46

Wami yufa ijjen n jjuwhar iɣȓan, izzenz marra min ɣares isɣi-ṯ.

Matta 13:48

Wami ṯƹemmar ṯracca sufɣen-t-id ibeḥriyen ɣar ṭṭarf n ȓebḥar. Qqimen, bḏan tixḍaren ggin iseȓman iṣebḥanen ḏi ṯsuǧaṯin, iseȓman iƹeffanen nḍaren-ṯen.

Matta 4:19

Inna-asen Ƹisa: "Ḏfarem-ayi-d, aqa ȓexxu iy kenniw ɣa arreɣ ḏ iḥeǧaqen n yiwḏan."

Marqus 1:17

Inna-asen Ƹisa: "Ḏfarem-ayi-d, aqa ȓexxu iy kenniw ɣa arreɣ ḏ iḥeǧaqen n yiwḏan."

Luqa 5:10

Ƹaweḏ iḏhec uȓa ḏ Yaƹqub ḏ Yuḥanna ṯarwa n Zabadi niṯni ḏ imeddukaȓ n Simƹan. Inna-as Ƹisa i Simƹan: "War teggweḏ ca, cek ssa aȓ ṯsawent ataf aḏ tḥeǧqeḏ iwḏan."

Yuḥanna 15:2

Kuȓ akeccuḍ iy d iffɣen zzayi war itirew ca izekkunen n uḍiȓ aṯ iqess Baba. U kuȓ akeccuḍ ig itarwen izekkunen n uḍiȓ aṯ izbar ḥima aḏ d yarni izekkunen nneɣni.

Yuḥanna 15:6

Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

1 Ayṯ-Kurinṯ 11:19

Ȓaḥeqqac wa labud aḏ iȓin lxilafaṯ jarawem bac aḏ d banen yinni iǧan nican jarawem.

2 Ayṯ-Kurinṯ 11:26

Nec mecḥaȓ n ṯwaȓaṯin tiȓiɣ tsafareɣ ḏi lxaṭar n iɣezran, ḏ lxaṭar n iceffaren, ḏ lxaṭar n ȓqum inu, ḏ lxaṭar n iyunaniyen, ḏ lxaṭar ḏi ṯendint, ḏ lxaṭar ḏi ȓexȓa, ḏ lxaṭar ḏi ȓebḥar, ḏ lxaṭar n yinni itarran ixef nsen ḏ ayṯma.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Lwaḥi 3:1

Ari-yas i lmalaʼika n jmaƹṯ n ȓmuminin iy iǧan ḏi ṯendint n Sardis, ini-yas qa wenni ɣar ǧan sebƹa n arruḥaṯ n Arebbi ḏ sebƹa n yiṯran, iqqar-ac: Nec ssneɣ ȓexḏayem nnec. Qqaren qa cek ṯeddareḏ walakin lla cek ṯemmuṯeḏ.