Matta 13:42 - Ṯarifiṯ 2020

⁴² Aṯen nḍaren ḏi ȓkuceṯ n ṯmessi mani ɣa iȓin imeṭṭawen ḏ uɣeẓẓaẓ n ṯeɣmas.

Matta 13:42 ပူးပေါင်းရင်းမြစ်များ

Matta 13:50

aṯen nḍarent ḏi ȓkuceṯ n ṯmessi mani ɣa iȓin imeṭṭawen ḏ uɣeẓẓaẓ n ṯeɣmas."

Matta 22:13

Uca inna-asen uzeǧiḏ i ixeddamen nnes: Carfem-ṯ zeg iḍaren ḏ ifassen nḍarem-ṯ barra ɣar ṯaǧest mani ɣa iȓin imeṭṭawen ḏ uɣeẓẓaẓ n ṯeɣmas."

Matta 25:41

Ȓexddenni yinni iǧan x uẓeȓmaḍ aḏasen yini uzeǧiḏ: A yinni inƹeȓ Arebbi beƹƹḏem xafi! Ruḥem ɣar ṯmessi iy war ixessin ƹemmarṣ isewjḏen i Cciṭan ḏ ccayaṭin nnes!

Matta 3:12

Ɣares ṯazzarṯ ḏeg ufus ḥima aḏ izuzzar ṯaffa nnes qaƹ, aḏ ismun ṯiḥebba n yirḏan aṯent igg ḏi ṯesrafṯ. Min war ineffƹen ca aṯ issecmeḍ ḏi ṯmessi iy war ixessin ƹemmarṣ."

Matta 8:12

Walakin yinni tuɣa itxeṣṣa aḏ warṯen ȓmulk n Arebbi, ataf aḏ menḍaren ɣar barra ḏi ṯaǧest mani ɣa iȓin imeṭṭawen ḏ uɣeẓẓaẓ n ṯeɣmas."

Luqa 13:28

Ḏinni i ɣa yiȓin imeṭṭawen ḏ uɣeẓẓaẓ n ṯeɣmas xmi ɣa ṯeẓrem Brahim ḏ Isḥaq ḏ Yaƹqub ḏ marra lʼanbiya ɣar ḏaxeȓ ḏi ȓmulk n Arebbi, kenniw tmenḍarem ɣar barra!

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 9:2

Irzem anu nni itawin ɣar ȓaǧeɣ bȓa ȓaḥedd, yuȓi-d zzayes ddexxan amecnaw ddexxan n yijjen n ȓkuceṯ ḏ ṯameqqrant. Ddexxan n ȓaǧeɣ nni iɣeṭṭa ṯfucṯ ḏ ljuw.