Matta 13:37 - Ṯarifiṯ 2020

³⁷ Indeq-d Ƹisa inna-asen: "Wenni izerrƹen zzarriƹeṯ ṯaṣebḥant netta ḏ Mmis n bnaḏem.

Matta 13:37 ပူးပေါင်းရင်းမြစ်များ

Matta 10:40

Wenni kenniw iqebbȓen, ataf iqbeȓ-ayi. Wenni ḏayi iqebbȓen, ataf iqbeȓ wenni ḏayi d issekken.

Matta 13:24

Issiweȓ Ƹisa s yijjen n ȓmaƹna nneɣni inna-asen: "Ȓmulk ujenna igga am yijjen n uryaz izreƹ zzarriƹeṯ ṯaṣebḥant ḏeg umarjeƹ nnes.

Matta 13:27

Usin-d ixeddamen nnan-as i bab n umarjeƹ: A siḏi, cek ṯzerƹeḏ zzarriƹeṯ ṯaṣebḥant ḏeg umarjeƹ nnec. Iwa manis ḏas d kkin isennanen-a?

Matta 13:4

Wami izerreƹ, ṯewḍa-yas can zzarriƹeṯ x ṭṭarf n ubriḏ, usin-d ijḍaḍ ccin-teṯ.

Matta 13:41

Aḏ d issekk Mmis n bnaḏem lmalaʼikaṯ nnes, aḏ kksent zi ȓmulk nnes marra min itsebbaben ḏi ȓmuƹṣiyaṯ ḏ yinni iteggen ccarr.

Matta 8:20

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Luqa 10:16

Inna-asen Ƹisa i imeḥḍaren nnes: "Wenni itsȓan i wawaȓ nwem, ataf itesȓa-yayi i nec. Wenni war kenniw iqbiȓen ca, ataf uȓa ḏ nec war ḏayi iqbiȓ ca. Wenni war ḏayi iqbiȓen ca nec, ataf war iqbiȓ ca wenni ḏayi d issekken."

Yuḥanna 13:20

Aqa tesȓam ȓḥaqq: Wenni iqebbȓen wenni iy d ɣa ssekkeɣ, aqa iqbeȓ-ayi. Wenni ḏayi iqebbȓen, aqa iqebbeȓ uȓa ḏ wenni iy ḏayi d issekken."

Yuḥanna 20:21

Inna-asen ƹaweḏ Ƹisa: "Sȓam xawem. Mammec ḏayi d issekk Baba, ammu nec akenniw ssekkeɣ."

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ayṯ-Ruma 15:18

Cuf, zeƹmeɣ aḏ ssiwȓeɣ ɣir x min ixeddem Lmasiḥ x ufus inu ḥima yinni war iǧin ca zi Ayṯ-Israʼil aḏ ṭaƹen i Arebbi s wawaȓ ḏ ȓexḏayem inu,

Iƹibraniyen 1:1

Ḏi zman issawaȓ Arebbi ak ȓejḏuḏ nneɣ s uqemmum n lʼanbiya s waṭṭas n ṯwaȓaṯin s waṭṭas n ibriḏen.

Iƹibraniyen 2:3

Ȓexxu asenjem nneɣ imɣaren, mammec iy ɣa negg a nenjem zi lƹiqab iƹni meȓa neɣfeȓ x usenjem-a? Awaȓ n usenjem-a ibcar-iṯ-iḏ ḏ amezwaru Siḏiṯneɣ, ṯumma cehḏen xas yinni iy ḏas iṣennṭen ssiwḍen-ṯ-iḏ i neccin.