Matta 13:31 - Ṯarifiṯ 2020

³¹ Inna-asen Ƹisa ijjen n ȓmaƹna nneɣni: "Ȓmulk ujenna igga am yijjen n zzarriƹeṯ n yijjen n nnuƹ n arbiƹ qqaren-as bugarḏaȓ. Iysi-t ijjen n uryaz iẓẓu-t ḏeg umarjeƹ nnes.

Matta 13:31 ပူးပေါင်းရင်းမြစ်များ

Matta 13:24

Issiweȓ Ƹisa s yijjen n ȓmaƹna nneɣni inna-asen: "Ȓmulk ujenna igga am yijjen n uryaz izreƹ zzarriƹeṯ ṯaṣebḥant ḏeg umarjeƹ nnes.

Matta 17:20

Inna-asen Ƹisa: "Ȓaḥeqqac lʼiman nwem ḏ uqlil. Aqa tesȓam ȓḥaqq: Mȓi ḏaywem lʼiman ɣir anect ijjen n ṯḥebbuct n bugarḏaȓ, aḏ tinim i uḏrar-a: Neqȓeƹ-d cek ssanita ruḥ ɣar ḏiha ataf aḏ d ineqȓeƹ. War xawem iteqsiḥ walu.

Luqa 17:6

Yarra xasen Siḏiṯneɣ inna-asen: "Mȓi ḏaywem lʼiman ɣir anect ijjen n ṯḥebbuct n bugarḏaȓ, ataf aḏas ṯinim i ṯcejjarṯ-a n ttuṯ: Neqȓeƹ-d cem s iẓewran ruḥ aḏ teẓẓuḏ ixef nnem ḏi ȓebḥar, ataf aḏawem ṯegg array."

Luqa 19:11

Wami tesȓan i manaya, issiweȓ akiḏsen Ƹisa s yijjen n ȓmaƹna nneɣni ȓaḥeqqac tuɣaṯ yuḏes ɣar ṯendint n Lquds. Ƹaweḏ tɣir-asen ȓmulk n Arebbi aḏ d imeḍhar ȓexddenni.

Luqa 20:9

Ibḏa Ƹisa issawaȓ ak ccaƹb s ȓmaƹna-ya ṯanita inna-asen: "Ijjen n ssiyyed iẓẓu aḍiȓ ḏeg yijjen n umarjeƹ nnes, ijja ḏayes ixemmasen ṣafi iruḥ isafar aṭṭas n ȓweqṯ.