Matta 13:23 - Ṯarifiṯ 2020

²³ Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am can bnaḏem ig itesȓan i wawaȓ n Arebbi, ifehhem-as itarew. Ijjen itarew miyya, ijjen settin, ijjen ṯȓaṯin."

Matta 13:23 ပူးပေါင်းရင်းမြစ်များ

Matta 12:33

Meȓa ṯacejjarṯ ḏ ṯaṣebḥant, ataf aḏ tarew min iǧan ḏ aṣebḥan. Meȓa ṯacejjarṯ ḏ ṯaƹeffant, ataf aḏ tarew min iǧan ḏ aƹeffan. Ṯacejjarṯ ṯḍehhar-d s min tarew.

Matta 13:8

Walakin can zzarriƹeṯ ṯewḍa x ṯmurṯ ṯaṣebḥant, ṯegga ṯiyḏerin. Ȓebƹaḍ ggint miyya, ȓebƹaḍ ggint settin, ȓebƹaḍ ggint ṯȓaṯin.

Matta 3:10

Aqa caqur iwjeḏ ḥima aḏ iqess iẓewran n ȓcejjur. Mkuȓ ṯacejjarṯ iy war itirwen ca min iǧan ḏ aṣebḥan ataf aḏ twaqess aḏ tmenḍar ḏi ṯmessi.

Matta 3:8

Meȓa ṯtubem ḏ ṣṣaḥ, ggeṯ ȓexḏayem ṯiṣebḥanin.

Marqus 10:15

Aqa tesȓam ȓḥaqq: Labud i bnaḏem aḏ yamen s ȓmulk n Arebbi mamc zzayes itamen uḥenjir amezyan. Meȓa lla, ataf bnaḏem nni ƹemmarṣ aḏ yaḏef ḏi ȓmulk n Arebbi."

Marqus 4:20

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ tarwen. Ȓebƹaḍ tarwen ṯȓaṯin, ȓebƹaḍ settin, ȓebƹaḍ miyya."

Luqa 13:9

Meȓa ṯurew-d ṯazarṯ ḏeg useggwas-a iy d ɣa yasen, ataf mliḥ. Meȓa ƹaḏ walu, ataf ṣafi qess-it."

Luqa 8:15

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

Luqa 8:8

Can zzarriƹeṯ ṯewḍa x ṯmurṯ ṯaṣebḥant. Ṯuȓi-d ṯemɣar ṯegga ṯiyḏerin, kuȓ icten ṯurew miyya." Wami ikemmeȓ wawaȓ-a inna s jjheḏ: "Ṣenneṭ mliḥ a wenni itsȓan."

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 8:47

Wenni iǧan n Arebbi ataf netta itsȓa i wawaȓen n Arebbi. Kenniw war ṯesȓim ca minzi kenniw war ṯeǧim ca n Arebbi."

Ȓexḏayem 16:14

Akiḏsent ḏinni ijjen n ṯemɣarṯ ṯesȓa-yaneɣ qqaren-as Lidya. Nettaṯ zi ṯendint n Ṯiyatra ṯeznuza ṯcuqqet nni iy iɣȓan llun nnes ḏ llila, ṯƹebbeḏ Arebbi. Irzem-as Siḏi Arebbi uȓ nnes bac aḏ tṣenneṭ i wawaȓ n Bulus.

Ȓexḏayem 17:11

Ayṯ-Birya niṯni ḥsen zeg Ayṯ-Salunik, qebbȓen awaȓ n Arebbi ḏeɣya s ȓefraḥeṯ. Qqaren ḏi Lkutub kuȓ nhar bac aḏ ssnen awaȓ nni iy qqaren Bulus ḏ Silas ma ḏ ṣṣaḥ niɣ lla.

2 Ayṯ-Kurinṯ 9:10

Wenni ig iferrqen zzarriƹeṯ i ufeǧaḥ nni ig izerrƹen iticc-as ƹaweḏ uȓa ḏ aɣrum iy ɣa icc, ataf netta ƹaweḏ aḏawem yarni ḏi zzarriƹeṯ nni iy ṯzerrƹem aḏ isemɣar min ṯmejjarem zi ṣṣaḏaqa-ya nwem.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Filippas 4:17

Walakin nec war rezzuɣ ca aḏayi ṯucem ca n ȓḥajeṯ, nec rezzuɣ min ɣa yarnin ḏi lʼajar nwem ak Arebbi.

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

2 Ayṯ-Salunik 2:10

ḏ marra ibriḏen n ccarr iy zi twacemmaṯen yinni ifennan. Niṯni aḏ fnan minzi war qbiȓen ca aḏ texsen lḥaqiqa bac aṯen isenjem Arebbi.

Iƹibraniyen 4:2

Liʼanna ȓexbar-a n ȓxir iy ḏaneɣ d itwabeccaren i neccin, uȓa ḏ ȓejḏuḏ nneɣ twabeccaren zzayes. Walakin war stenfiƹen ca zzayes wami ugin azzayes amnen.

Iƹibraniyen 6:7

Cuf, meȓa ṯamurṯ iccaṯ xas unẓar aṭṭas nettaṯ ṯsess ticc ṯafeǧaḥṯ, ataf aḏ tawi ijjen n lbaraka zi Arebbi.

Iƹibraniyen 8:10

Ḏ wanita ḏ ȓƹaheḏ iy ɣa ggeɣ ak Ayṯ-Israʼil menbaƹd i ȓweqṯ nni, iqqar-iṯ Siḏi Arebbi. Aḏasen siḏfeɣ ȓuṣiyaṯ inu ḏi ȓaƹquȓaṯ nsen, aɣarsen iȓint ḏ ṯira x wuȓawen nsen. Aḏ iȓiɣ ḏ Arebbi nsen aḏ iȓin ḏ ccaƹb inu.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.