Matta 12:50 - Ṯarifiṯ 2020

⁵⁰ Inna-as: "Wenni iteggen s min ixes Baba iy iǧan ḏeg ujenna, ataf netta ḏ uma ḏ učma ḏ yemma."

Matta 12:50 ပူးပေါင်းရင်းမြစ်များ

Matta 12:49

Iswiẓẓeḏ s ufus nnes ɣar imeḥḍaren nnes inna: "Aqa yemma ḏ ayṯma."

Matta 13:1

Nhar nni, iffeɣ Ƹisa zi ṯeddarṯ iqqim ṭṭarf n ȓebḥar.

Matta 17:5

Ƹaḏ issawaȓ Buṭrus ihwa-d xasen yijjen n useynu itseqsiq. Ṯendeq-d ijjen n ṯmijja zeg useynu nni ṯenna-asen: "Qa ḏ wanita ḏ Mmi iƹizzen, nec farḥeɣ zzayes. Ṣennṭeṯ ɣares."

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 25:45

Aḏ d yas uzeǧiḏ aḏasen yini: Aqa tesȓam ȓḥaqq: Min war ṯeggim ca i yijjen n wuma ḏ amezyan zeg ayṯma, war ḏayi t ṯeggim ca i nec.

Matta 28:10

Ȓexddenni inna-asent Ƹisa: "War teggwḏent ca. Ruḥent siwḍent ȓexbar inint i ayṯma: Ruḥeṯ ɣar ṯmurṯ n Ljalil ḏinni iy ḏayi ɣa ṯeẓrem."

Marqus 3:35

Inna-asen: "Wenni iteggen s min ixes Arebbi, ataf netta ḏ uma ḏ učma ḏ yemma."

Luqa 8:21

Yarra xasen inna-asen: "Aqa yemma ḏ ayṯma niṯni ḏ iwḏan nni itsȓan i wawaȓ n Arebbi xeddmen zzayes."

Yuḥanna 15:14

Meȓa teggem ȓuṣiyaṯ inu, ataf kenniw ḏ imeddukaȓ inu.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Yuḥanna 6:29

Inna-asen Ƹisa: "Ḏ ṯa ḏ ȓxeḏmeṯ n Arebbi: Aḏ tamnem zi wenni iy d issekk netta."

Yuḥanna 6:40

Min ixes Baba? Ixes belli kuȓ wenni iẓrin Mmis yumen zzayes, aɣares ṯiȓi ṯuḏarṯ n ȓebda nec aṯiḏ sekkareɣ ḏi Nhar Aneggaru."

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ȓexḏayem 26:20

Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

1 Ayṯ-Kurinṯ 9:5

Neccin ma war ɣarneɣ bu ȓḥaqq a nawi akiḏneɣ ṯimɣarin ȓmuminaṯ mammec ggin arrusul nneɣni ḏ ayṯmas n Siḏiṯneɣ ḏ Buṭrus?

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Galaṭya 6:15

Liʼanna bnaḏem meȓa igga ṭṭahareṯ niɣ war t iggi ca, manaya war ineffeƹ ca; Lla, ineffeƹ meȓa bnaḏem ixȓeq-d qaƹ ḏ jḏiḏ.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

1 Timutawus 5:2

Ṯiwessura egg-iṯent am yemmaṯac. Ṯiḥenjirin egg-iṯent am suyṯmac s yijjen n wuȓ iṣfa.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

1 Buṭrus 4:2

X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.

1 Yuḥanna 2:17

Ddunect-a aqa ṯƹeddu-d akiḏes ccehawaṯ nnes, walakin wenni iteggen ȓxaḍar n Arebbi aḏ iqqim iddar i ȓebda n ȓebdaṯ.

Lwaḥi 22:14

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.