Matta 12:32 - Ṯarifiṯ 2020

³² Wenni ɣa yinin can wawaȓ war iḥȓin x Mmis n bnaḏem, ataf axas iɣfar. Walakin wenni ɣa yinin can wawaȓ war iḥȓin x Arruḥ iqeddsen, ataf war xas iɣeffar ca lla ḏi ddunect-a u lla ḏi lʼaxira.

Matta 12:32 ပူးပေါင်းရင်းမြစ်များ

Matta 11:19

Yusa-d Mmis n bnaḏem itett isess war itẓummi ca, nnan qa wanita itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan. Innama, ȓefhameṯ n Arebbi qebbȓen-teṯ marra yinni ifehhmen."

Matta 12:31

Aqa qqareɣ-awem: Aḏ twaɣfarent marra ȓmuƹṣiyaṯ iy teggen yiwḏan ḏ kuȓ awaȓ nni war iḥȓin iy qqaren x Arebbi. Walakin wenni ɣa yinin can wawaȓ war iḥȓin x Arruḥ iqeddsen, ataf war ḏas iɣeffar ca.

Matta 12:8

Ȓaḥeqqac Mmis n bnaḏem ig iǧan ḏ lḥakem x nhar n ssebṯ."

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Matta 13:39

Ȓaƹḏu ig izerrƹen isennanen netta ḏ Ibȓis. Ȓweqṯ n umjar nettaṯ ḏ ȓefna n zman. Ixeddamen niṯni ḏ lmalaʼikaṯ.

Matta 13:40

Amecnaw mammec ismun ufeǧaḥ isennanen isḥerreq-iṯen ḏi ṯmessi, amenni iy ɣa ṯiȓi ȓefna n zman.

Matta 13:55

Ma war iǧi ca wanita ḏ mmis n unejjar? Ma war iǧi yemmas ḏ Maryam? Ayṯmas ijjen qqaren-as Yaƹqub, ijjen ḏ Yusef, ijjen ḏ Simƹan, ijjen ḏ Yahuḏa ma lla?

Matta 8:20

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Marqus 10:30

ataf aɣares ṯiȓi miyya n ṯseqqar zi ṯuḏrin ḏ ayṯmas ḏ suyṯmas ḏ yemmas ḏ ṯarwa nnes ḏ imarjeƹiwen nnes. Aɣares yiȓi uƹeddeb ḏi zman-a, walakin ḏi zman iy d ɣa yasen aɣares ṯiȓi ṯuḏarṯ n ȓebda.

Marqus 3:28

Aqa tesȓam ȓḥaqq: Aḏ twaɣfarent marra ȓmuƹṣiyaṯ iy teggen yiwḏan ḏ kuȓ awaȓ nni war iḥȓin iy qqaren x Arebbi.

Marqus 3:29

Walakin wenni ɣa yinin can wawaȓ war iḥȓin x Arruḥ iqeddsen, war ḏas iɣeffar lla ḏi ddunect-a u lla ḏi lʼaxira."

Luqa 12:10

Wenni ɣa yinin can wawaȓ war iḥȓin x Mmis n bnaḏem ataf axas iɣfar. Wenni ɣa yinin can wawaȓ war iḥȓin x Arruḥ iqeddsen ataf war xas iɣeffar ca ƹemmarṣ.

Luqa 16:8

Bab n ci icekkar aweqqaf nnes ḏi iǧa lḥila x ȓefṭaneṯ nnes. Cuf, ṯarwa n zman-a ḏaysen ȓefṭaneṯ jarasen ktar zi ṯarwa n nnur.

Luqa 18:30

ataf aɣares ṯiȓi ḏi ddunect-a ktar s waṭṭas. U ḏi zman iy d ɣa yasen ataf aɣares ṯiȓi ṯuḏarṯ n ȓebda."

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Luqa 7:34

Yusa-d Mmis n bnaḏem itett isess war itẓummi ca. Kenniw ṯennim aqa bnaḏem-a itett isess aṭṭas, ƹaweḏ netta ḏ ameddukeȓ n iƹeccaren ḏ yinni iƹeṣṣan.

Yuḥanna 7:12

Aṭṭas ig itwecwicen zi ȓɣaci xas qqaren netta ḏ aryaz n ȓxir. Walakin inneɣni zzaysen qqaren lla, isxarriq xaneɣ waha.

Yuḥanna 7:39

Manaya inna-ṯ x Arruḥ iqeddsen iy ɣa iqebȓen yinni zzayes yumnen. Arruḥ iqeddsen ƹaḏ war ṯiḏ yuci ca minzi Ƹisa ƹaḏ war itwarfeƹ ca.

Yuḥanna 7:52

Nnan-as: "Ma cek ƹaweḏ zi ṣḥab n Ljalil? Rzu ḏi Lkutub xzar, uȓa ḏ ijjen n nnabi war d yusi ca zi ṯmurṯ n Ljalil."

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Ayṯ-Ufasus 1:21

Isuƹȓa-ṯ Arebbi aṭṭas x marra ȓeḥkam ḏ ȓmexzen ḏ jjheḏ ḏ lmemlaka. Isuƹȓa-ṯ netta ƹaweḏ x kuȓ isem iy teggen ḏ isemawen, maci ɣir ḏi zman-a iy ḏi neǧa waha walakin ƹaweḏ ḏi lʼaxira.

1 Timutawus 1:13

Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.

1 Timutawus 1:15

Aqa ijjen n wawaȓ ḏayes ttiqeṯ u labud aḏ itwaqbeȓ marra, iƹni Ƹisa Lmasiḥ yusa-d ɣar ddunect-a bac aḏ isenjem yinni iƹeṣṣan, zzaysen nec ig iǧan ḏ lƹaṣi ḏ ameqqran xasen marra.

1 Timutawus 4:8

Meȓa ṯestrinareḏ ixef nnec s arriyaḍa, aḏ tawiḏ ijjen n arbaḥ ac ineffeƹ cwayt. Meȓa ṯestrinareḏ s lʼiman, aḏ tawiḏ ijjen n arbaḥ ac ineffeƹ i ṯmesȓayin marra. Lʼiman-a iwƹeḏ-ic ƹlaḥsab ṯuḏarṯ-a iǧan ȓexxu ḏ ṯenni iy d ɣa yasen.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

Titus 2:12

Arḍa-ya itrebba-yaneɣ a nenkar ccarr ḏ ccehawaṯ n ddunect-a, a nƹic ḏi zman-a a neḥkam x ṯnefsiyṯ nneɣ aḏayneɣ yiȓi lmaƹqul ḏ lʼiman

Yaƹqub 1:27

Ddin iṣfan iy inqan ɣar Arebbi Babaṯneɣ min iƹna? Iƹni bnaḏem itraḥ ɣar yujiȓen ḏ ṯajjaȓin aṯen iƹawen ḏeg uzeyyar nsen, aḏ iḥḍa ixef nnes ḥima war ṯ twessix ca ddunect-a.