Matta 12:31 - Ṯarifiṯ 2020

³¹ Aqa qqareɣ-awem: Aḏ twaɣfarent marra ȓmuƹṣiyaṯ iy teggen yiwḏan ḏ kuȓ awaȓ nni war iḥȓin iy qqaren x Arebbi. Walakin wenni ɣa yinin can wawaȓ war iḥȓin x Arruḥ iqeddsen, ataf war ḏas iɣeffar ca.

Matta 12:31 ပူးပေါင်းရင်းမြစ်များ

Luqa 12:10

Wenni ɣa yinin can wawaȓ war iḥȓin x Mmis n bnaḏem ataf axas iɣfar. Wenni ɣa yinin can wawaȓ war iḥȓin x Arruḥ iqeddsen ataf war xas iɣeffar ca ƹemmarṣ.

Ȓexḏayem 7:51

Inna-asen Stifan: A yinni iy ḏi ṯeǧa ṯɣennant, qa uȓawen nwem ḏ imejjan nwem qqnen! Kenniw teggem mammec iy ggin ȓejḏuḏ nwem, kif-kif. Ȓebda tƹarraḍem-as i Arruḥ iqeddsen.

Iƹibraniyen 10:26

Cuf, neccin meȓa netƹic s ȓmuƹṣiyeṯ s ȓxaḍar nneɣ u nessen lḥaqiqa, ataf war ɣarneɣ bu can dbiḥeṯ aḏ tekkes ȓmuƹṣiyeṯ nneɣ.

Iƹibraniyen 10:29

Y kenniw, min tfekkarem? Mecḥaȓ iy ɣa yiȓi lƹiqab ig isḏaheǧ wenni iseḥqaren Mmis n Arebbi, isexnez iḏammen n ȓƹaheḏ nni iy zi itwassiṣfa, izebbeȓ Arruḥ n arḍa!

Iƹibraniyen 6:4

Amma yinni mixef iceƹceƹ nnur, qqasen lhadiya n ujenna, carrcen ḏi Arruḥ iqeddsen,

1 Yuḥanna 1:9

Walakin meȓa neƹtaref s ȓmuƹṣiyaṯ nneɣ i Arebbi, netta aqaṯ nican ḏayes ttiqeṯ, aḏaneɣ iɣfar ȓmuƹṣiyaṯ nneɣ aḏaneɣ issiṣfa zi marra ccarr.

1 Yuḥanna 5:16

Wenni ɣa itwaȓan ijjen n wumas iƹṣa ijjen ȓmuƹṣiyeṯ iy war itiwin ca ɣar ȓmewṯ, netta itxeṣṣa-yas axas iẓẓaǧ ɣar Arebbi ataf aḏas yuc ṯuḏarṯ i wumas nni. Nniɣ-awem-d manaya ƹlaḥsab yinni ȓmuƹṣiyeṯ nsen war ṯen tiwi ca ɣar ȓmewṯ. Ḏinni ijjen n ȓmuƹṣiyeṯ ig itawin ɣar ȓmewṯ, ṯenni war ḏawem t qqareɣ ca axas ṯeẓẓaǧem.