Matta 12:24 - Ṯarifiṯ 2020

²⁴ Tesȓan ȓḥizeb n ifarrisiyen i wawaȓ nsen nnan-asen: "Bnaḏem-a isufuɣ jnun minzi arrayes n jnun umi qqaren Bƹalzabul yuca-as jjheḏ-a."

Matta 12:24 ပူးပေါင်းရင်းမြစ်များ

Matta 10:25

Baraka ɣir aḏ yiȓi umeḥḍar am lmuƹallim nnes, aḏ yiȓi uxeddam am uweqqaf nnes. Meȓa ȓaɣan i bab n ṯeddarṯ , iwa mammec ɣa ȓaɣan i ȓeḥbab n ṯeddarṯ nnes?

Matta 9:32

Ḏi ȓweqṯ iy ḏi ruḥen, can yiwḏan uwin-as-d i Ƹisa ijjen n uryaz ḏ azeynun ḏayes jjenn.

Matta 9:34

Walakin ȓḥizeb n ifarrisiyen nnan: "Netta isufuɣ jnun ȓaḥeqqac arrayes n jnun yuca-as jjheḏ-a."

Marqus 3:22

Imseȓmaḏen n ccariƹa iy d yusin zi Lquds nnan: "Ḏayes Bƹalzabul arrayes n jnun. Isufuɣ jnun minzi Bƹalzabul yuca-yas jjheḏ-a."

Luqa 11:14

Isufeɣ Ƹisa ijjen n jjenn ḏ azeynun zeg yijjen n uryaz. Wami iffeɣ jjenn nni issiweȓ uryaz, qqimen tƹejjben ȓɣaci.

Luqa 11:15

Walakin ȓebƹaḍ zzaysen nnan: "Bnaḏem-a isufuɣ jnun minzi arrayes n jnun umi qqaren Bƹalzabul yuca-as jjheḏ-a."