Matta 12:15 - Ṯarifiṯ 2020

¹⁵ Issen Ƹisa manayenni yuyur ssenni. Ḏfaren-ṯ aberru n yiwḏan, isgenfa marra imehȓac nsen.

Matta 12:15 ပူးပေါင်းရင်းမြစ်များ

Matta 10:23

Meȓa ƹeddben-kenniw ḏi can ṯendint, arewȓem ɣar ṯenneɣni. Aqa tesȓam ȓḥaqq: Aḏ d yas Mmis n bnaḏem, ataf kenniw ƹaḏ war ṯkemmȓem x min kenniw weṣṣiɣ ḏi ṯneddam n Ayṯ-Israʼil.

Matta 19:2

Ḏfaren-ṯ ijjen n lƹadad n yiwḏan, isgenfa imehȓac nsen ḏinni.

Marqus 6:56

Mani ma yuḏef ɣar ibilajen niɣ ɣar ṯneddam niɣ ɣar ȓkampawaṯ, iwḏan srusan imehȓac ḏi ȓeswaq. Tettaren-as aṯen ijj aḏ ḥaḏan ɣir ṭṭarf n warruḍ nnes. Ṣafi marra yinni ṯ iḥaḏan genfan.

Luqa 5:22

Ƹisa issen min nwan inna-asen: "Mayemmi tfekkarem ammu kenniw ḏi ȓaƹquȓaṯ nwem?

Luqa 6:12

Ḏeg wussan nni, igaƹƹeḏ Ƹisa ɣar uḏrar aḏ iẓẓaǧ iqqim ḏinni ǧiȓeṯ ṯekmaȓ itẓaǧa i Arebbi.

Luqa 9:11

Wami ȓɣaci ssnen manaya ḏfaren-ṯ. Netta isteqbeȓ-iṯen ibḏa issawaȓ akiḏsen x ȓmulk n Arebbi isgenfa yinni ixsen aḏ genfan.

Yuḥanna 11:54

X manaya war iqqim ca Ƹisa itraḥ itas-d jar israʼiliyen. Iruḥ ɣar can ṯmurṯ ṯuḏes ȓexȓa, ɣar yij ubilaj qqaren-as Afrayim iqqim ḏinni ak imeḥḍaren nnes.

Yuḥanna 7:1

Menbaƹd i manaya Ƹisa iggur zeg umcan ɣar umcan ḏi ṯmurṯ n Ljalil. Itbeƹƹaḏ zi ṯmurṯ n Yahuḏiya minzi israʼiliyen nni rezzun xas aṯ nɣen.

Yuḥanna 9:4

Xmi itiȓi ḏ nhar, itxeṣṣa-yaneɣ a nexḏem ȓexḏayem n wenni iy ḏayi d issekken. Xmi d taweḍ ǧiȓeṯ, war izemmar uȓa ḏ ijjen aḏ ixḏem.

Ayṯ-Galaṭya 6:9

Iwa itxeṣṣa war ntiḥeȓ ca ḏi ȓexḏayem n ȓxir. Mayemmi? Ȓaḥeqqac aȓ ȓweqṯ nni nican n umjar a nemjar iƹni meȓa war nefciȓ ca.

1 Buṭrus 2:21

Iȓaɣa-yawem-d Arebbi ɣar manaya minzi Lmasiḥ itwaƹeddeb ƹlaḥsab kenniw; Ijja-awem-d ijjen n lmiṯal aṯ tḏeffarem ḏeg isurifen nnes.