Matta 12:10 - Ṯarifiṯ 2020

¹⁰ Yufa ḏinni ijjen n uryaz fus nnes immuṯ. Ȓexddenni sseqsan Ƹisa rezzun aṯ tahmen nnan-as: "Ma ḥalal aḏ tesgenfiḏ can yijjen ḏi nhar n ssebṯ n lƹibada ma lla?"

Matta 12:10 ပူးပေါင်းရင်းမြစ်များ

Matta 12:2

Wami ṯen ẓrin ca n yiwḏan zi ȓḥizeb n ifarrisiyen nnan-as i Ƹisa: "Xzar! Imeḥḍaren nnec teggen min iǧan ḥram ḏi nhar n ssebṯ n lƹibada."

Matta 19:3

Qarrben-d ɣares can yiwḏan zi ȓḥizeb n ifarrisiyen ḥima aṯ jarrben. Nnan-as: "Ma ḥalal aḏ iǧef can uryaz i ṯemɣarṯ nnes ḏi ayyi ȓḥajeṯ?"

Marqus 3:2

Tlaḥaḍen xas ma aṯ isgenfa ma lla ḏi nhar n ssebṯ n lƹibada ḥima aṯ tahmen.

Luqa 11:54

Ḥeṭṭan-ṯ ḥima aḏ yini can wawaȓ aṯ ṭṭfen zzayes.

Luqa 13:14

Arrayes n ṯemziḏa nni war ḏas iƹjib bu ȓḥaȓ wami Ƹisa isgenfa ṯamɣarṯ nni ḏi nhar n ssebṯ n lƹibada. Ikkar netta inna-asen i yiwḏan: "Arebbi yuca settiyyam n ȓxeḏmeṯ, ḏi settiyyam nni iy d ɣa tasem aḏ tgenfim, war iǧi bu ḏi nhar n lƹibada."

Luqa 20:22

Ini-yaneɣ, ma ṯsemmeḥ ccariƹa nneɣ a nxeǧes ḍḍariba i uzeǧiḏ Qayṣar niɣ lla?"

Luqa 23:14

Inna-asen: "Kenniw ṯuwim-ayi-d bnaḏem-a ṯennim-ayi qa itegg ȓfitna jar yiwḏan. Nec xemmmeɣ ḏi ṯmesȓayṯ-a zzaṯwem. War ḏayes ufiɣ ḏeg uṯarras-a bu can ttuhmeṯ ƹlaḥsab min ṯeqqarem kenniw.

Luqa 23:2

Bḏan ttahmen-ṯ nnan: "Nufi-ṯ itegg lbelbala ḏi ccaƹb. Iqqar-asen war ticceṯ bu ḍḍariba i uzeǧiḏ Qayṣar. Netta iḥesseb ixef nnes ḏ Lmasiḥ iƹni ḏ ijjen n uzeǧiḏ."

Yuḥanna 5:10

Kkaren israʼiliyen nnan-as i wenni igenfan: "Nhara ḏ nhar n ssebṯ n lƹibada, war ɣarek bu ȓḥaqq aḏ teysiḏ ṯassuṯ nnec."

Yuḥanna 5:3

Tɣiman ḏinni aṭṭas n imehȓac ḏ iḍarɣaȓen ḏ izeḥḥafen ḏ inecrufen, {trajan aman n ṣṣarij aḏ nhezzen.

Yuḥanna 7:23

Meȓa ṯsemmḥem iḥarmucen aḏ ṭehharen ḏi nhar n lƹibada ḥima war txilifem ca Ccariƹa n Musa, ma tƹaṣṣabem xafi wami sgenfiɣ ijjen n bnaḏem qaƹ ḏi nhar n lƹibada?

Yuḥanna 8:6

Nnan-as niṯni manaya tjarraban-ṯ ḥima aṯ tahmen. Ikkar Ƹisa ihwa ɣar ṯmurṯ ibḏa itari ḏeg ucaȓ s ufus nnes.

Yuḥanna 9:16

Nnan ȓebƹaḍ n ifarrisiyen nni: "Bnaḏem nni war iǧi ca zi Arebbi minzi war iweqqar ca nhar n lƹibada." Walakin ȓebƹaḍ nneɣni nnan: "Lla, mammec bnaḏem ḏ lƹaṣi zaƹma aḏ igg lmuƹjizaṯ-a?" X manaya iwqeƹ lxilaf jarasen.