Matta 11:21 - Ṯarifiṯ 2020

²¹ Inna Ƹisa: "Ya ȓefḍiḥeṯ nnec ya abilaj n Kurazim! Ya ȓefḍiḥeṯ nnec ya abilaj n Bayt Ṣayda! Maƹlik lmuƹjizaṯ-a iy ḏaywem iweqƹen, weqƹent ḏi ṯneddam ṯiƹeffanin n Ṣur ḏ Ṣayda, ataf ayṯbab nsent tuben mecḥaȓ zeg wami, iȓi ggin arruḍ n lḥuzen qqimen x yiɣɣeḏ ḥima aḏ d tban tuba nsen.

Matta 11:21 ပူးပေါင်းရင်းမြစ်များ

Matta 11:22

X manayenni aḏawem iniɣ: Aqa ṯineddam ṯiƹeffanin nni n Ṣur ḏ Ṣayda aḏ iȓint ḥsen zzaywem ḏi Yum Lḥisab ḏ Lƹiqab.

Matta 15:21

Ikkar Ƹisa yuyur ssenni iruḥ ɣar jwayeh n ṯendint n Ṣur ḏ ṯendint n Ṣayda.

Matta 18:7

Ya tamara n yiwḏan x ssabab n ṯmesȓayin itawin ɣar ȓmuƹṣiyeṯ. Ṯimesȓayin nni aḏ d asent, walakin ya tamara n bnaḏem nni ig iteggen manayenni!

Matta 26:24

Mmis n bnaḏem aḏas iwqeƹ ƹlaḥsab mamc xas iqqar Lkitab, walakin ya ȓefḍiḥeṯ n bnaḏem nni iy ṯ ɣa izzenzen! Ḥsen i netta mȓi war d ixȓiq ca."

Marqus 3:8

ḏ ṯendint n Lquds ḏ ṯmurṯ n Idumya ḏ ujemmaḍ-in i yiɣzar n Lʼurdun, ƹaweḏ zi jwayeh n Ṣur ḏ Ṣayda. Usin-d ɣares aṭṭas n ȓɣaci wami d arrin ȓexbar i marra min igga.

Marqus 6:45

Ȓexddenni Ƹisa isney imeḥḍaren nnes ḏi ṯɣarrabut bac aḏ zwan ɣar ujemmaḍ-in n ȓebḥar ɣar ubilaj n Bayt Ṣayda, netta itemsafaḍ x ȓɣaci.

Marqus 7:24

Ikkar Ƹisa yuyur ssenni iruḥ ɣar jwayeh n ṯendint n Ṣur yuḏef deg yijjen n ṯeddarṯ. Irezzu war itessen ḥadd belli aqaṯ ḏinni walakin iwḏan arrin-d ȓexbar.

Marqus 7:31

Iffeɣ Ƹisa ƹaweḏ zi jwayeh nni n Ṣur ikka x ṯmurṯ n Ṣayda, iruḥ ɣar ȓebḥar n Ljalil ḏ lʼiqlim nni umi qqaren Dikaplis.

Marqus 8:22

Wami uwḍen ɣar ubilaj n Bayt Ṣayda, uwin-as-d ijjen n uḍarɣaȓ i Ƹisa ttaren zzayes aṯ iḥaḏa.

Luqa 4:26

Walakin ṯajjaȓin nni war ɣarsent d itwassekk ca nnabi Ilyas, itwassekk-d ɣir ɣar yicten n ṯajjaȓṯ waha ḏi dcar n Ṣarepta ḏi ṯmurṯ n Ṣayda.

Luqa 6:17

Ihwa-d Ƹisa ibedd ḏeg yijjen n umcan ḏ ȓewḍa. Ḏinni aṭṭas n imeḥḍaren nnes ḏ waṭṭas n yiwḏan zi ṯmurṯ n Yahuḏiya ṯekmaȓ, zi Lquds, ƹaweḏ zi Ṣur ḏ Ṣayda ig iǧan x uɣezḏis n ȓebḥar.

Luqa 9:10

Wami d ḏewȓen arrusul, ƹawḏen-as i Ƹisa x marra min ggin. Yuwi-ṯen ssenni ɣar jjiheṯ n yijjen n ubilaj umi qqaren Bayt Ṣayda.

Yuḥanna 1:44

Filippas netta zi Bayt Ṣayda, abilaj n Andrus ḏ Buṭrus.

Yuḥanna 12:21

Iyunaniyen-a usin-d ɣar Filippas, Filippas netta zeg ubilaj n Bayt Ṣayda ḏi Ljalil. Tettaren-as nnan-as, A siḏi nexs a nẓer Ƹisa.

Ȓexḏayem 12:20

Tuɣa iɣḍeb x imezḏaɣ n ṯendint n Ṣur ḏ ṯendint n Ṣayda. Kkaren imezḏaɣ nni rezzun aḏ meṣȓaḥen ak uzeǧiḏ Hirudus liʼanna lmakla nsen tekk-d zi ṯmurṯ n uzeǧiḏ. Ttaren-as manaya wami ruḥen mesfhamen ak Blastus iǧan netta ḏ naʼib n Hirudus.

Ȓexḏayem 27:3

Ṯiwecca nnes, wami nuweḍ ɣar ṯendint n Ṣayda igga ȓxir Yulus ḏi Bulus ijji-ṯ aḏ iraḥ ɣar imeddukaȓ nnes bac aḏayes thillan.

Yahuḏa 1:11

Ya ȓefḍiḥeṯ nsen! Tebƹen abriḏ nni n Qabil. Semḥen ḏeg yixef nsen ḍemƹen ḏi tmenyaṯ gguren ḏi lɣaleṭ n Balƹam. Fnan ḏi lḥirak nni n Quraḥ wami iƹarreḍ i Musa.

Lwaḥi 11:3

Aḏ ssekkeɣ ṯnayen n ȓechuḏ inu aḏ ggen arruḍ n lḥuzen aḏ xbaren iwḏan s min ƹeȓmen zi Arebbi aȓaf u miyyatayen u settin yum."

Lwaḥi 6:12

Ẓriɣ Izmar nni wami irzem acemmaƹ wis setta, ȓexddenni iwqeƹ ijjen n zzinzal ḏ ameqqran. Ṯfuct ṯeḏweȓ ḏ ṯabercant am ȓefḥam, ṯaziri ṯeḏweȓ am iḏammen.