Matta 10:41 - Ṯarifiṯ 2020

⁴¹ Wenni iqebbȓen can n nnabi ȓaḥeqqac issekk-iṯ-iḏ Arebbi, ataf aɣares yiȓi lʼajar amecnaw can n nnabi. Wenni iqebbȓen can n ȓmumen ȓaḥeqqac ḏ ȓmumen, ataf aɣares yiȓi lʼajar amecnaw can n ȓmumen.

Matta 10:41 ပူးပေါင်းရင်းမြစ်များ

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 25:44

Aṯ jawben uȓa ḏ yinni iǧan x uẓeȓmaḍ aḏas inin: A Siḏi, neccin meȓmi c nufa ṯeǧuzeḏ niɣ ṯeffuḏeḏ niɣ ḏ aɣrib niɣ ḏ aƹaryan niɣ ṯheȓceḏ niɣ ṯetwaḥebseḏ u neccin war c nƹiwen ca?

Matta 25:45

Aḏ d yas uzeǧiḏ aḏasen yini: Aqa tesȓam ȓḥaqq: Min war ṯeggim ca i yijjen n wuma ḏ amezyan zeg ayṯma, war ḏayi t ṯeggim ca i nec.

Matta 6:1

Ɣarwem aḏ teggem ȓxir zzaṯ i yiwḏan ḥima akenniw ẓren, ataf war ɣarwem itiȓi bu lʼajar zi Babaṯwem iǧan ḏeg ujenna.

Matta 6:18

ḥima iwḏan war tessnen ca qa cek ṯẓummeḏ. Walakin Siḏi Arebbi iy iǧan mani war ṯ itwiȓi ḥadd, netta ig issnen. U Siḏi Arebbi ig iẓerren min itwaggen s ṯnufra ataf ac ijaza.

Matta 6:4

Ḥima ṣṣaḏaqa nnec aḏ twagg s ṯnufra. Ḏ Babac Arebbi ig iẓerren min itwaggen s ṯnufra ataf aḏac yuc lʼajar.

Matta 6:6

Walakin cek xmi ɣa ṯeẓẓaǧeḏ, aḏef ɣar uxxam nnec qqen xak ṯawwarṯ, ẓẓaǧ i Babac iǧan mani war ṯ itwiȓi ḥadd. Babac ig iẓerren min itwaggen s ṯnufra ataf ac ijaza.

Matta 7:8

Minzi marra wenni ɣa ittaren aḏas immuc. Wenni ɣa irzun aḏ yaf. Wenni ɣa isqerqben aḏas ṯnurzem ṯewwarṯ.

Ȓexḏayem 16:15

Wami ṯetwaṭehhar s waman nettaṯ ḏ ȓeḥbab nnes, ṯettar zzayneɣ ṯenna-aneɣ: "Araḥem-d ɣar ṯeddarṯ inu qqimem akiḏi iƹni meȓa ṯteyyqem belli nec umneɣ zi Siḏi Arebbi." Ṯḥeccem-aneɣ nettaṯ aȓ wami neqbeȓ.

Ayṯ-Ruma 16:23

Issiweḍ-awem-d sȓam Ɣayus, ḏ netta iy zzayi ireḥḥben ɣar ṯeddarṯ nnes irzem-it i marra jmaƹṯ n ȓmuminin. Issiweḍ-awem-d sȓam Arisṭus lʼamin n ṣṣenduq n ṯendint, ḏ umaṯneɣ Qartus.

1 Ayṯ-Kurinṯ 9:17

Meȓa tbeccareɣ s ȓxaḍar inu, ataf aḏayi ijaza Arebbi. Meȓa war iǧi bu s ȓxaḍar inu, iƹni ataf teggeɣ ijjen n lmesʼuliya bezzez xafi waha.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

2 Yuḥanna 1:8

Ḥḍam ixef nwem ḥima aḏ trebḥem ljaʼiza nwem ṯekmaȓ maci aḏ texsarem minxef nxeddem.