Matta 10:35 - Ṯarifiṯ 2020

³⁵ Usiɣ-d aḏ smenɣeɣ mmis ak babas, ḏ yeǧis ak yemmas, ḏ ṯsȓiṯ ak lallas.

Matta 10:35 ပူးပေါင်းရင်းမြစ်များ

Matta 10:21

Umas aḏ isellem umas i ȓmewṯ. Babas aḏ isellem mmis. Ṯarwa aḏ raḥen ḍed i lwalidin nsen, aṯen sellmen i yinni iy ṯen ɣa nɣen.

Matta 24:10

Aṭṭas iy ɣa ikfaren zeg yinni iy yumnen. Aḏ zzenzen ayawya, aḏ ƹiffen ayawya.

Marqus 13:12

Umas aḏ isellem umas i ȓmewṯ. Babas aḏ isellem mmis. Ṯarwa aḏ raḥen ḍed i lwalidin nsen, aṯen sellmen i yinni iy ṯen ɣa nɣen.

Luqa 12:53

Babas aḏ imneɣ ak mmis, mmis aḏ imneɣ ak babas. Yemmas aḏ temneɣ ak yeǧis, yeǧis aḏ temneɣ ak yemmas. Lalla aḏ temneɣ ak ṯesȓiṯ, ṯasȓiṯ aḏ temneɣ ak lallas."

Luqa 21:16

Akenniw zzenzen lwalidin nwem ḏ ayṯmaṯwem ḏ ȓeḥbab nwem ḏ imeddukaȓ nwem, aḏ nɣen ȓebƹaḍ zzaywem.