Matta 10:33 - Ṯarifiṯ 2020

³³ Wenni ḏayi ɣa inkaren zzaṯ i yiwḏan, ataf aṯ nkareɣ nec zzaṯ i Baba iǧan ḏeg ujenna.

Matta 10:33 ပူးပေါင်းရင်းမြစ်များ

Marqus 14:30

Yarra xas Ƹisa inna-as: "Aqa tesȓiḏ ȓḥaqq: Ṯa, ǧiȓeṯ-a qbeȓ ma aḏ idden uyaziḍ marrṯayen ataf aḏayi ṯenkareḏ ṯȓaṯa n ṯwaȓaṯin."

Marqus 14:72

Ȓexddenni idden uyaziḍ ṯwaȓa wis ṯnayen, ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ marrṯayen aḏayi ṯenkareḏ ṯȓaṯa n ṯwaȓaṯin. Wami ifekkar ḏi manayenni iru imeṭṭawen ḏ imeǧaḥen aṭṭas.

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Luqa 12:9

Wenni ḏayi ɣa inkaren zzaṯ i yiwḏan, ataf aḏ itwankar zzaṯ i lmalaʼikaṯ n Arebbi.

Luqa 22:57

Inkar Buṭrus inna-as: "A ṯamɣarṯ, war ṯ ssineɣ ca."

Luqa 9:26

Wenni xafi ɣa iƹeffaren nec niɣ aḏ iƹeffar x wawaȓ inu, ataf axas iƹeffar Mmis n bnaḏem xmi d ɣa yas s lƹaḍama nnes ḏ lƹaḍama n Babas ak lmalaʼikaṯ iqeddsen.

2 Timutawus 2:12

Meȓa neṣbar, uca a neḥkem akiḏes. Meȓa nenkar-iṯ, uca ƹaweḏ netta aḏaneɣ inkar.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

1 Yuḥanna 2:23

Wenni ɣa inkaren Mmis ataf war ɣares itiȓi ca Babas. Wenni iy ɣa iqebȓen Mmis ataf aɣares yiȓi Babas.