Matta 10:2 - Ṯarifiṯ 2020

² Ḏ yina ḏ isemawen n ṯenƹac n arrusul: Amezwaru nsen qqaren-as Simƹan maƹruf s Buṭrus ḏ wumas qqaren-as Andrus, ḏ mmis n Zabadi qqaren-as Yaƹqub ḏ wumas qqaren-as Yuḥanna,

Matta 10:2 ပူးပေါင်းရင်းမြစ်များ

Matta 17:1

Ṯeƹḏu settiyyam, Ƹisa yuwi akiḏes Buṭrus ḏ Yaƹqub ḏ wumas Yuḥanna, yuwi-ṯen waḥeḏsen ɣar yijjen n uḏrar yuƹȓa.

Matta 20:20

Ijjen n ṯemɣarṯ, nettaṯ ḏ yemmaṯsen n ṯarwa n Zabadi, ṯqarreb ɣar Ƹisa ak ṯnayen n ṯarwa nnes ṯsejjeḏ-as ḥima azzayes ṯettar can ȓḥajeṯ.

Matta 26:37

Yuwi akiḏes Buṭrus ḏ ṯnayen n ṯarwa n Zabadi, ibḏa itnexȓaƹ itxeyyaq.

Matta 4:18

Iggur Ƹisa x cceṭṭ n ȓebḥar n Ljalil, yufa ḏinni ṯnayen n iḥeǧaqen n iseȓman niṯni ḏ awmaṯen. Ijjen qqaren-as Simƹan tȓaɣan-as s Buṭrus, akiḏes umas qqaren-as Andrus. Neṭṭaren ṯracca ḏi ȓebḥar.

Matta 4:21

Iƹḏu aɣiȓin, yufa ṯnayen n wawmaṯen nneɣni, ijjen qqaren-as Yaƹqub ijjen qqaren-as Yuḥanna. Niṯni ḏ ṯarwa n yijjen n uryaz umi qqaren Zabadi. Aqaṯen ḏi ṯɣarrabut ak babaṯsen ƹeddȓen ṯiracciwin nsen. Iȓaɣa-yasen-d Ƹisa,

Marqus 1:29

Wami d iffeɣ zi ṯemziḏa nni, yusa-d ɣar ṯeddarṯ n Simƹan ḏ Andrus akiḏes Yaƹqub ḏ Yuḥanna.

Marqus 13:3

Wami iqqim Ƹisa ḏeg Uḏrar n Zzitun zzaṯ i ṯemziḏa ṯameqqrant, sseqsan-ṯ Buṭrus ḏ Yaƹqub ḏ Yuḥanna ḏ Andrus waḥḏes nnan-as:

Marqus 6:30

Munen arrusul ak Ƹisa ƹawḏen-as x marra min ggin ḏ marra min seȓmaḏen.

Luqa 11:49

X manaya ƹaweḏ ṯeqqar lḥikma n Arebbi aḏasen ssekkeɣ lʼanbiya ḏ arrusul, ijjen aṯ nɣen ijjen axas azzȓen.

Luqa 22:14

Wami d tuweḍ ȓweqṯ yusa-d Ƹisa iqqim ɣar missa aḏ icc ak arrusul nnes.

Luqa 22:8

Iruḥ Ƹisa issekk Buṭrus ḏ Yuḥanna inna-asen: "Ruḥem swejḏem-aneɣ amensi n Ȓƹiḏ Ameqqran ḥima aṯ necc."

Luqa 5:10

Ƹaweḏ iḏhec uȓa ḏ Yaƹqub ḏ Yuḥanna ṯarwa n Zabadi niṯni ḏ imeddukaȓ n Simƹan. Inna-as Ƹisa i Simƹan: "War teggweḏ ca, cek ssa aȓ ṯsawent ataf aḏ tḥeǧqeḏ iwḏan."

Luqa 9:10

Wami d ḏewȓen arrusul, ƹawḏen-as i Ƹisa x marra min ggin. Yuwi-ṯen ssenni ɣar jjiheṯ n yijjen n ubilaj umi qqaren Bayt Ṣayda.

Yuḥanna 12:22

Iruḥ Filippas ɣar Andrus bac aḏas ṯ yini, uca ruḥen s ṯnayen iḏsen ɣar Ƹisa nnan-as-ṯ.

Yuḥanna 13:23

Ḏinni ijjen n umeḥḍar nnes iƹizz xas x Ƹisa aṭṭas, netta iqqim ak uɣezḏis nnes.

Yuḥanna 20:2

Ṯuzzeȓ-d ṯusa-d ɣar Simƹan Buṭrus ḏ umeḥḍar nneɣni wenni iƹizzen x Ƹisa aṭṭas, ṯenna-asen qa ysin Ƹisa zeg yifri n unḍeȓ, war nessin mani ṯ ggin.

Yuḥanna 21:2

Munen ḏinni ȓebƹaḍ n imeḥḍaren nnes: Simƹan Buṭrus ḏ Tuma wenni umi qqaren , ḏ Naṯnahil netta zeg ubilaj n Qana ḏi ṯmurṯ n Ljalil, ḏ ṯarwa n Zabadi, ḏ ṯnayen nneɣni.

Yuḥanna 21:20

Ineqȓeb Buṭrus yufa iḏeffar-iṯen-d umeḥḍar nni iƹizzen x Ƹisa aṭṭas, iƹni wenni tuɣa iqqimen ɣar uɣezḏis n Ƹisa ḏeg umensi nni inna-as: A Siḏi, min iƹna wenni c ɣa izzenzen?

Yuḥanna 21:24

Ameḥḍar-a, min iƹna? Ḏ netta ig icehhḏen x ṯmesȓayin-a ṯumma yuri-ṯent. Neccin nessen qa chaḏeṯ nnes n ṣṣaḥ.

Yuḥanna 6:67

Indeq-d Ƹisa inna-asen i ṯenƹac n arrusul iy kis iǧan: "Uȓa ḏ kenniw, ma ṯexsem aḏayi ṯsemḥem?"

Yuḥanna 6:70

Inna-asen Ƹisa: "Nec iy kenniw ixḍaren s ṯenƹac iḏwem, walakin ijjen zzaywem ḏ Ibȓis."

Yuḥanna 6:71

Manaya iqqar-iṯ x Yahuḏa mmis n Simƹan Isxaryuṭi liʼanna ḏ wanita iy ṯ ɣa izzenzen u netta ḏ ijjen zi ṯenƹac n arrusul.

Yuḥanna 6:8

Inna-as ijjen zeg imeḥḍaren nnes, netta ḏ Andrus umas n Simƹan Buṭrus:

Ȓexḏayem 1:13

Wami uwḍen, gaƹƹḏen ɣar ṯɣurfat mani tiȓin: Buṭrus ḏ Yuḥanna ḏ Yaƹqub ḏ Andrus, ḏ Filippas ḏ Tuma ḏ Bartulumay ḏ Matta, ḏ Yaƹqub mmis n Ḥalfa ḏ Simƹan Lmunaḍil, ḏ Yahuḏa mmis n Yaƹqub.

Ȓexḏayem 1:26

Uca ggin lqurƹa, lqurƹa nni ṯusa-d ḏi Matyas, arnin-ṯ-iḏ ɣar ḥiṭac nni n arrusul.

Ȓexḏayem 12:2

Netta yumar uca nɣin s ssif Yaƹqub umas n Yuḥanna.

Ȓexḏayem 3:1

Ijjen n nhar ɣar ṯȓaṯa uƹecci ḏi ȓweqṯ n ṯẓaǧiṯ, Buṭrus ḏ Yuḥanna gaƹƹḏen ɣar ṯemziḏa ṯameqqrant n Ayṯ-Israʼil.

1 Ayṯ-Kurinṯ 15:7

Ṯumma imeḍhar-as-d i Yaƹqub, menbaƹd i marra arrusul.

Ayṯ-Ufasus 4:11

Ḏ netta ig ixḍaren arrusul ḏ lʼanbiya ḏ yinni ig itbeccaren s Lʼinjil ḏ ȓfuqaha ḏ imseȓmaḏen.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

1 Buṭrus 1:1

Nec ḏ Buṭrus ḏ arrasul n Ƹisa Lmasiḥ. Tsekkiɣ-d ṯabrat-a i yinni ig ixḍar Arebbi iy iǧan ḏ iƹezzaben itemzeǧaƹen ḏi lʼiqlim n Punṭus ḏ lʼiqlim n Galaṭya ḏ lʼiqlim n Kafadusya ḏ lʼiqlim n Asya ḏ lʼiqlim n Biṯanya.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

2 Yuḥanna 1:1

Nec ḏ amɣar, tariɣ ṯabrat-a i ṯemɣarṯ itwaxḍaren ḏ ṯarwa nnes iy texseɣ ḏi lḥaqiqa. Maci ḏ nec waha iy ṯen itexsen; Lla, texsen-ṯen qaƹ yinni issnen lḥaqiqa.

3 Yuḥanna 1:1

Nec ḏ amɣar, tariɣ ṯabrat-a i Ɣayus wenni iy xafi iƹizzen ḏi lḥaqiqa.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 18:20

Ay ajenna, fareḥ x uhḏam nnes. Farḥem a ȓmuminin ṣṣaliḥin ḏ arrusul ḏ lʼanbiya! Aqa iḥaseb-it Arebbi x min ḏawem ṯegga."

Lwaḥi 22:8

Ḏ nec Yuḥanna iy sȓiɣ, ẓriɣ ṯimesȓayin-a. Wami sȓiɣ, ẓriɣ manaya, hwiɣ aḏ sejjḏeɣ ɣar iḍaren n lmalak nni iy ḏayi d ismeḍharen ṯimesȓayin-a.