Matta 10:19 - Ṯarifiṯ 2020

¹⁹ Xmi kenniw ɣa sellmen, bȓa ma aḏ teysim amnus ḏi ȓaƹquȓaṯ nwem min ɣa ṯinim niɣ ḏ mammec iy ɣa ṯessiwȓem; Lla, awaȓen nni iy ɣa ṯinim ḏ Arebbi iy ḏawem ṯen ɣa yucen ḏi ṯsaƹƹat nni.

Matta 10:19 ပူးပေါင်းရင်းမြစ်များ

Matta 10:18

Akenniw jarren ɣar lḥukkam ḏ izeǧiḏen ƹlaḥsab isem inu ḥima axafi ṯcehḏem ɣar niṯni ḏ yinni zi ȓegnus.

Matta 6:25

X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ min ɣa ṯeswem niɣ ḏ arruḍ iy ɣa ṯeḥḏajem i ddat nwem. Minzi ṯuḏarṯ-a tseggwa ktar zi macca. Ddat-a tseggwa ktar zeg warruḍ.

Matta 6:31

War kessiṯ bu s umnus aḏ tinim, min ɣa necc? Niɣ ḏ min ɣa nsew? Niɣ ḏ min ɣa nareḍ ḏ arruḍ?

Matta 6:34

War kessiṯ bu s umnus i min ɣa iweqƹen ṯiwecca, aqa ṯiwecca aḏ iysi nniṯ s umnus i yixef nnes. Ȓhemm iy d imeḍehharen nhar nni aḏ ikfa nhar nni.

Luqa 12:11

Axmi kenniw ɣa awin ɣar ṯemziḏawin n Ayṯ-Israʼil niɣ ḏ ȓḥukkam ḏ imxazniyen, bȓa ma aḏ teysim amnus ḏi ȓaƹquȓaṯ nwem minzi ɣa ṯdafƹem x yixef nwem niɣ ḏ min ɣa ṯinim.

Luqa 12:12

Minzi Arruḥ iqeddsen aḏawem yuc min ɣa ṯinim ḏi ṯsaƹƹat nni."

Ȓexḏayem 6:10

walakin war zemmaren aḏ qawwmen ȓefhameṯ ḏ Arruḥ iy zi issawaȓ.

Ayṯ-Filippas 4:6

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

2 Timutawus 4:17

Ḏ Siḏiṯneɣ iy kiḏi ibedden ɣar uɣezḏis inu yuca-ayi jjheḏ ḥima zzayi nec aḏ itwabeccar Lʼinjil ikmaȓ aṯ sȓen marra yinni war iǧin ca zi Ayṯ-Israʼil, ssenni nec feȓṯeɣ zeg uqemmum n ssbaƹ.

Yaƹqub 1:5

Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.