Matta 1:20 - Ṯarifiṯ 2020

²⁰ Walakin wami itfekkar ḏi ṯmesȓayṯ nni, ṯbedd-d xas ijjen n lmalaʼika ḏi ṯirjiṯ ṯenna-as: "A Yusef a mmis n Ayṯ-Dawed, war teggweḏ ca aḏ tiȓi Maryam ḏ ṯamɣarṯ nnec. Aqa zi Arruḥ iqeddsen iy zi ṯeysi aƹeddis.

Matta 1:20 ပူးပေါင်းရင်းမြစ်များ

Matta 1:18

Fa mammec iy d ixȓeq Ƹisa Lmasiḥ. Yemmas Maryam tuɣa ṯegga lxuṭuba ak Yusef. Menbaƹd qbeȓ ma aḏ meȓcen jarasen ṯeysi aƹeddis zi Arruḥ iqeddsen.

Matta 2:12

Iƹȓem-asen Arebbi ḏi ṯirjiṯ inna-asen war teƹqibem ca ɣar uzeǧiḏ Hirudus. Ṣafi kkaren ḏewȓen ɣar ṯmurṯ nsen x yijjen n ubriḏ nneɣni.

Matta 2:13

Wami uyuren yiwḏan nni iqqaren lƹilem n yiṯran, ṯbedd-d ijjen n lmalaʼika n Siḏi Arebbi ḏi ṯirjiṯ ɣar Yusef ṯenna-as: "Kkar ysi aḥenjir ḏ yemmas arweȓ ɣar Miṣra, zeḏɣem ḏinni aȓ ḏac ɣa iniɣ ḏweȓ-d. Aqa azeǧiḏ Hirudus irezzu x uḥenjir-a bac aṯ ineɣ."

Matta 2:19

Wami immuṯ uzeǧiḏ Hirudus ṯbedd-d ijjen n lmalaʼika n Siḏi Arebbi ɣar Yusef ḏi ṯirjiṯ ḏi Miṣra.

Matta 2:22

Walakin wami isȓa belli azeǧiḏ Arxilawus ixȓef babas Hirudus ḏi ȓeḥkam n Yahuḏiya, iggweḏ aḏ iraḥ ḏinni. Siḏi Arebbi iƹȓem-as-d ƹaweḏ ḏeg yijjen n ṯirjiṯ, ikkar iruḥ ɣar jjiheṯ n ṯmurṯ n Ljalil.

Matta 27:19

Wami iqqim lḥakem Bilaṭus x ȓkursi n ȓeḥkam, ṯessekk-d ɣares ṯemɣarṯ nnes ṯenna-as: "Tarek-as i uryaz-a iṣfan ȓaḥeqqac ƹeddbeɣ aṭṭas ǧiȓeṯ-a ḏi ṯirjiṯ x ssabab nnes."

Matta 28:5

Ṯendeq-d lmalaʼika nni ṯenna-asent i ṯemɣarin: "War teggwḏent ca, nec ssneɣ belli ṯrezzunt x Ƹisa itwaṣellben.

Luqa 1:19

Indeq-d lmalak nni inna-as: "Qa nec ḏ Jibril ḏ wenni itbeddan zzaṯ i Arebbi, issekk-ayi-d Arebbi ɣarec bac akic ssiwȓeɣ aḏac iniɣ ȓexbar-a isfarraḥen.

Luqa 2:4

Igaƹƹeḏ Yusef zi ṯmurṯ n Ljalil zeg ubilaj n Naṣira iruḥ ɣar ṯmurṯ n Yahuḏiya ɣar ubilaj n Dawed wenni umi qqaren Bayt Laḥm minzi netta zi ddurriṯ n Dawed ḏ ȓeḥbab nnes.

Ȓexḏayem 5:19

Walakin s ǧiȓeṯ ijjen n lmalaʼika n Siḏi Arebbi ṯerzem-asen ṯiwwura n ȓeḥbes, ṯsufeɣ-iṯen ṯenna-asen:

Lwaḥi 19:7

Yallahem a nfarḥeṯ, a nezhuṯ, aṯ nsemɣareṯ! Ȓfarḥ n Yizmar aqa yuweḍ-d, ṯasȓiṯ nnes qa ṯsewjeḏ ixef nnes.