Marqus 9:9 - Ṯarifiṯ 2020

⁹ Wami d hewwan zeg uḏrar iweṣṣa-ṯen Ƹisa inna-asen: "War tƹawaḏem i ḥadd min ṯeẓrim aȓ d ɣa ikkar Mmis n bnaḏem zi ȓmewṯ."

Marqus 9:9 ပူးပေါင်းရင်းမြစ်များ

Matta 12:19

War itmenɣi ak ḥadd, war isnekkar bu ṯɣuyyeṯ, war itsȓi ḥadd i wawaȓ nnes ḏeg ibriḏen.

Matta 12:40

Amec iseƹḏu Yunes ṯeȓtiyyam jar ǧiyaȓi ḏ wussan ḏeg uƹeddis n usȓem ameqqran, amenni iy ɣa iseƹḏu Mmis n bnaḏem ṯeȓtiyyam jar ǧiyaȓi ḏ wussan ḏeg uƹeddis n ṯmurṯ.

Matta 16:21

Ssenni ibḏa Ƹisa isfehham i imeḥḍaren nnes belli labud aḏ iraḥ netta ɣar ṯendint n Lquds aḏ itwaƹeddeb x waṭṭas n ṯmesȓayin x ufus n imeqqranen n Ayṯ-Israʼil ḏ arruyas n ȓfuqaha ḏ imseȓmaḏen n ccariƹa. Aṯ nɣen, wis ṯeȓtiyyam aḏ d itwasekkar zi ȓmewṯ."

Matta 27:63

Nnan-as: "Neccin neƹqeȓ a siḏi belli wami tuɣa iddar uɣeddar nni inna-d menbaƹd i ṯeȓtiyyam nec aḏ d kkareɣ zi ȓmewṯ."

Matta 8:4

Inna-as Ƹisa: "Xzar, war txebbar ḥadd." Inna-as: "Ruḥ ɣar ȓefqi seḍhar-as ixef nnec. Egg ṣṣeḏqeṯ nni iy zi iweṣṣa Musa ḥima aɣarsen ṯiȓi chaḏeṯ x min iweqƹen."

Marqus 5:43

Yumar-iṯen Ƹisa inna-asen war tƹawaḏem i ḥadd min iweqƹen. Ƹaweḏ inna-asen ucem-as aḏ tecc.

Marqus 7:36

Iweṣṣa-ṯen inna-asen war tƹawaḏem manaya i ḥadd. Walakin niṯni mecḥaȓ ma iweṣṣa-ṯen txebbaren xas aṭṭas.

Marqus 9:10

Jjin awaȓ nni jarasen, ssiwȓen ak wayawya nnan: Kifac, min ixes aḏ yini aḏ d ikkar zi ȓmewṯ?

Marqus 9:8

Wami xzaren imeḥḍaren ammu ḏ wammu, ƹlaɣafla war akiḏsen ufin ḥadd illa Ƹisa.

Luqa 24:46

Inna-asen: "Ammu iy yura ḏi Lkitab qa itxeṣṣa i Lmasiḥ aḏ itwaƹeddeb aḏ d ikkar zi ȓmewṯ wis ṯeȓtiyyam.

Luqa 9:36

Wami ṣafi ṯmijja nni ṯessiweȓ ufin Ƹisa waḥḏes. Imeḥḍaren nni snuffaren manayenni ḏeg wuȓ nsen war xebbaren ḥadd ḏi lʼayamaṯ nni x min ẓrin.