Marqus 9:25 - Ṯarifiṯ 2020

²⁵ Wami yufa Ƹisa ȓɣaci ḏeɣya munen-d xas, isbedd jjenn nni aƹeffan inna-as: "A jjenn azeynun a jjenn aḏehcur, tamareɣ cek ffeɣ zzayes war ḏayes taḏaf ca ƹemmarṣ ƹaweḏ!"

Marqus 9:25 ပူးပေါင်းရင်းမြစ်များ

Matta 12:22

Ssenni can yiwḏan uwin-as-d i Ƹisa ijjen n uryaz ḏ aḍarɣaȓ ḏ azeynun ḏayes jjenn. Isgenfa-ṯ Ƹisa ḥima aḏ issiweȓ aḏ itwaȓa.

Matta 17:18

Ƹisa isbedd jjenn nni aƹeffan, iffeɣ zeg uḥenjir nni igenfa ḏi ṯsaƹƹat nni.

Marqus 9:15

Wami ẓrin Ƹisa, marra ȓɣaci nni ḏehcen uzzȓen ɣares axas seǧmen.

Marqus 9:24

Ȓexddenni issiweȓ s jjheḏ babas n uḥenjir nni inna-as: "Nec umneɣ! Ƹawen lʼiman inu ḏ uqlil."

Marqus 9:26

Isnekkar ṯɣuyyeṯ jjenn nni iserjiji aḥenjir nni aṭṭas ȓexddenni iffeɣ zzayes. Aḥenjir nni iḏweȓ axmi immuṯ, nnan aṭṭas n yiwḏan aqa immuṯ ṣafi.

Luqa 11:14

Isufeɣ Ƹisa ijjen n jjenn ḏ azeynun zeg yijjen n uryaz. Wami iffeɣ jjenn nni issiweȓ uryaz, qqimen tƹejjben ȓɣaci.

Luqa 4:35

Izeyyar-iṯ Ƹisa inna-as: "Stuk cek, ffeɣ zzayes!" Iseɣḍeȓ jjenn aryaz nni ɣar ṯmurṯ ḏi ȓwesṭ nsen ȓexddenni iffeɣ zzayes war ḏas iggi walu.

Luqa 4:41

Zeg waṭṭas n yiwḏan ƹaweḏ teffɣen jnun snekkaren ṯɣuyyeṯ qqaren-as qa cek ḏ Mmis n Arebbi." Walakin netta itzeyyar-iṯen, war ṯen itejji ca aḏ ssiwȓen minzi ssnen netta ḏ Lmasiḥ.

Luqa 8:29

Inna manaya minzi Ƹisa tuɣa yumar jjenn nni aƹeffan ḥima aḏ iffeɣ zeg uryaz nni. Ƹaweḏ minzi jjenn nni iteṭṭef-iṯ aṭṭas n ṯwaȓaṯin. Waxxa teqqnen-as ifassen ḏ iḍaren nnes s snaseȓ ḥeṭṭan-ṯ, itrezza-ṯent indeh-iṯ jjenn nni ɣar ȓexȓa.

Luqa 9:42

Wami d iqarreb uḥenjir nni ɣar Ƹisa, iserjiji-ṯ jjenn nni iɣḍeȓ-iṯ ɣar ṯmurṯ. Isbedd Ƹisa jjenn nni aƹeffan, isgenfa aḥenjir nni yarri-ṯ i babas.

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.

Yahuḏa 1:9

Walakin min igga lmalak ameqqran Mikaʼil wami imneɣ ak Ibȓis imnaqar akiḏes x ddat immuṯen n Musa? Waxxa ḏ Mikaʼil-a war izƹim ca aḏ yini ca n wawaȓ war iḥȓin x Ibȓis, yenna-as cek ac inha Siḏi Arebbi!