Marqus 9:20 - Ṯarifiṯ 2020

²⁰ Uwin-ṯ-id ɣar Ƹisa, jjenn nni yallah iẓra Ƹisa iserjiji aḥenjir nni iwḍa ɣar ṯmurṯ, iterjiji itekk-as-d kuffu zeg uqemmum.

Marqus 9:20 ပူးပေါင်းရင်းမြစ်များ

Marqus 1:26

Iserjijay-iṯ jjenn nni aƹeffan iƹeyyeḍ s yijjen n ṯmijja ṯemɣar iffeɣ zzayes.

Marqus 9:18

Mani ma iṭṭef-iṯ iɣeṭṭaȓ-iṯ ɣar ṯmurṯ, isufuɣ-d netta kuffu zeg uqemmum nnes itɣeẓẓaẓ ṯiɣmas nnes iḏewweȓ war itenhezzi. Ttareɣ zeg imeḥḍaren nnec azzayes sufɣen jjenn nni walakin niṯni war ḏas zemmaren ca."

Marqus 9:19

Yarra xasen Ƹisa inna-asen: "A iwḏan n ȓweqṯ-a iy ḏi war iǧi bu lʼiman! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id i nec."

Marqus 9:21

Inna-as Ƹisa i babas n uḥenjir nni: "Mecḥaȓ zeg wami iy ḏayes manaya?" Inna-as: "Zeg wami iǧa ḏ amezyan.

Marqus 9:26

Isnekkar ṯɣuyyeṯ jjenn nni iserjiji aḥenjir nni aṭṭas ȓexddenni iffeɣ zzayes. Aḥenjir nni iḏweȓ axmi immuṯ, nnan aṭṭas n yiwḏan aqa immuṯ ṣafi.

Luqa 4:35

Izeyyar-iṯ Ƹisa inna-as: "Stuk cek, ffeɣ zzayes!" Iseɣḍeȓ jjenn aryaz nni ɣar ṯmurṯ ḏi ȓwesṭ nsen ȓexddenni iffeɣ zzayes war ḏas iggi walu.

Luqa 8:29

Inna manaya minzi Ƹisa tuɣa yumar jjenn nni aƹeffan ḥima aḏ iffeɣ zeg uryaz nni. Ƹaweḏ minzi jjenn nni iteṭṭef-iṯ aṭṭas n ṯwaȓaṯin. Waxxa teqqnen-as ifassen ḏ iḍaren nnes s snaseȓ ḥeṭṭan-ṯ, itrezza-ṯent indeh-iṯ jjenn nni ɣar ȓexȓa.

Luqa 9:39

Memmi ixeṭṭef-iṯ ijjen n jjenn, ḏeɣya isnekkar ṯɣuyyeṯ. Jjen nni iserjiji-ṯ aȓ d ɣa isufeɣ netta kuffu zeg uqemmum nnes, war ḏas irexxu ḥetta aȓ ṯ ɣa isala.

Luqa 9:42

Wami d iqarreb uḥenjir nni ɣar Ƹisa, iserjiji-ṯ jjenn nni iɣḍeȓ-iṯ ɣar ṯmurṯ. Isbedd Ƹisa jjenn nni aƹeffan, isgenfa aḥenjir nni yarri-ṯ i babas.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.