Marqus 9:18 - Ṯarifiṯ 2020

¹⁸ Mani ma iṭṭef-iṯ iɣeṭṭaȓ-iṯ ɣar ṯmurṯ, isufuɣ-d netta kuffu zeg uqemmum nnes itɣeẓẓaẓ ṯiɣmas nnes iḏewweȓ war itenhezzi. Ttareɣ zeg imeḥḍaren nnec azzayes sufɣen jjenn nni walakin niṯni war ḏas zemmaren ca."

Marqus 9:18 ပူးပေါင်းရင်းမြစ်များ

Matta 15:22

Ṯusa-d ɣares ijjen n ṯemɣarṯ zi Ayṯ-Kanƹan ṯzeddeɣ ḏinni. Traɣa ṯeqqar-as i Ƹisa: "Rḥem-ayi a Siḏi, a Mmis n Ayṯ-Dawed! Qa yeǧi ḏayes ijjen n jjenn ḏ aƹeffan itƹeddab-it aṭṭas."

Matta 17:16

Uwiɣ-ṯ-iḏ ɣar imeḥḍaren nnec walakin niṯni war zemmaren aṯ sgenfan."

Matta 8:12

Walakin yinni tuɣa itxeṣṣa aḏ warṯen ȓmulk n Arebbi, ataf aḏ menḍaren ɣar barra ḏi ṯaǧest mani ɣa iȓin imeṭṭawen ḏ uɣeẓẓaẓ n ṯeɣmas."

Marqus 11:23

Aqa tesȓam ȓḥaqq: Meȓa can yijjen inna-as i uḏrar-a: Neqȓeƹ-d cek ssanita ṯmenḍared ḏi ȓebḥar, u ḏeg wuȓ nnes war ḏayes bu ccekk yumen aḏ iwqeƹ manayenni, ataf manayenni aḏ yiȓi.

Marqus 9:17

Indeq-d yijjen zi ȓɣaci nni inna-as: "A Lmuƹallim, aqa uwiɣ-ac-d mmi ḏayes jjenn ḏ azeynun.

Marqus 9:19

Yarra xasen Ƹisa inna-asen: "A iwḏan n ȓweqṯ-a iy ḏi war iǧi bu lʼiman! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awim-ayi-ṯ-id i nec."

Marqus 9:20

Uwin-ṯ-id ɣar Ƹisa, jjenn nni yallah iẓra Ƹisa iserjiji aḥenjir nni iwḍa ɣar ṯmurṯ, iterjiji itekk-as-d kuffu zeg uqemmum.

Marqus 9:26

Isnekkar ṯɣuyyeṯ jjenn nni iserjiji aḥenjir nni aṭṭas ȓexddenni iffeɣ zzayes. Aḥenjir nni iḏweȓ axmi immuṯ, nnan aṭṭas n yiwḏan aqa immuṯ ṣafi.

Ȓexḏayem 7:54

Wami sȓin Jmaƹeṯ nni n lḥukkam n Ayṯ-Israʼil awaȓ n Stifan, xeyyqen ɣeḍben, tɣeẓẓaẓen ɣares ṯiɣmas.

Yahuḏa 1:13

Niṯni ggin am ȓemwaj n ȓebḥar ccaṯent s ȓefḍiḥeṯ n ukuffu nsent. Niṯni ggin am can iṯran iffɣen zeg umcan nsen gguren ɣar yijjen n ṯaǧest ḏ ṯabercant ig itwaswejḏen i ȓebda n ȓebdaṯ.