Marqus 8:6 - Ṯarifiṯ 2020

⁶ Yumar Ƹisa ȓɣaci nni aḏ qqimen ḏi ṯmurṯ. Iṭṭef sebƹa nni n ṯecnifin icekkar Arebbi, irzi-ṯent yuci-ṯent i imeḥḍaren nnes aṯent ferqen x yiwḏan nni. Ȓexddenni ferqen-ṯent.

Marqus 8:6 ပူးပေါင်းရင်းမြစ်များ

Matta 26:26

Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ ccem-ṯ, wa ig iǧan ḏ ddat inu."

Marqus 8:20

Inna-asen: "Iwa ƹaweḏ, wami rziɣ sebƹa nni n ṯecnifin i arbeƹaȓaf nni n yiwḏan, mecḥaȓ n ṯeqrabin iy ṯeccurem s iȓeqquzen iceṭṭen?" Nnan-as: "Sebƹa n ṯeqrabin."

Marqus 8:5

Inna-asen Ƹisa: "Cḥaȓ ɣarwem n uɣrum?" Nnan-as: "Ɣarneɣ sebƹa n ṯecnifin."

Marqus 8:7

Ɣarsen ḏinni ƹaweḏ ȓebƹaḍ n iseȓman ḏ imezyanen. Ƹisa icekkar Arebbi inna-asen: "Ferqem uȓa ḏ yina x yiwḏan-a."

Luqa 12:37

Ssaƹḏ n ixeddamen nni meȓa yusa-d siḏiṯsen yufi-ṯen ƹaḏ war ṭṭiṣen ca. Aqa tesȓam ȓḥaqq: Aḏ igeffeḍ siḏiṯsen aṯen isɣim, aḏ ibḏa itsexxar xasen.

Luqa 24:30

Wami akiḏsen iqqim aḏ icc, ikkar iysi aɣrum icekkar Arebbi irzi-ṯ ibḏa ifarreq-asen-ṯ.

Yuḥanna 2:5

Ṯenna-asen yemmas i ixeddamen: "Ggem min ḏawem iqqar."

Yuḥanna 6:23

Ssenni usint-id ṯɣarruba nneɣni zi ṯendint n Ṭabarya ɣar umcan nni mani ccin aɣrum nni mani icekkar Ƹisa Arebbi.

Ayṯ-Ruma 14:6

Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.