Marqus 8:38 - Ṯarifiṯ 2020

³⁸ Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Marqus 8:38 ပူးပေါင်းရင်းမြစ်များ

Matta 12:39

Indeq-d Ƹisa inna-asen: "Iwḏan iƹeffanen n ȓweqṯ-a ixeddƹen Arebbi rezzun lƹalama. Inna-asen: Lla, war ḏasen itmucci illa lƹalama nni n nnabi Yunes.

Matta 13:41

Aḏ d issekk Mmis n bnaḏem lmalaʼikaṯ nnes, aḏ kksent zi ȓmulk nnes marra min itsebbaben ḏi ȓmuƹṣiyaṯ ḏ yinni iteggen ccarr.

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Matta 16:4

Iwḏan iƹeffanen n ȓweqṯ-a ixeddƹen Arebbi tettaren lƹalama ṯameqqrant, walakin war ḏasen itmuci illa lƹalama nni n nnabi Yunes." Ssenni iruḥ ijji-ṯen.

Matta 24:30

Uca aḏ tmeḍhar lƹalama n Mmis n bnaḏem ḏeg ujenna, ȓexddenni iy ɣa ḥeznent marra ṯiqebbaȓ n ṯmurṯ. Aḏ ẓrent Mmis n bnaḏem ihewwa-d ḏeg useynu n ujenna s lƹaḍama ḏ jjheḏ nnes imɣaren.

Matta 25:31

Xmi d ɣa yas Mmis n bnaḏem s lƹaḍama nnes, akiḏes marra lmalaʼikaṯ, aḏ iqqim x lƹarc nnes n lƹaḍama.

Matta 26:64

Inna-as Ƹisa: "Aqa ṯenniḏ-ṯ cek. Innama, aqa qqareɣ-awem: Zi ssa aȓ ṯsawent aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Matta 8:20

Inna-as Ƹisa: "Uccanen ɣarsen ifran nsen, ijḍaḍ ɣarsen ȓaƹwac nsen, walakin Mmis n bnaḏem war ɣares uȓa ḏ mani ɣa isummeṯ azeǧif nnes."

Marqus 13:26

Ȓexddenni iy ɣa ẓren Mmis n bnaḏem ihewwa-d ḏeg useynu s lƹaḍama ḏ jjheḏ nnes imɣaren.

Marqus 14:62

Inna-as Ƹisa: "Wah, ḏ nec. Kenniw aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Marqus 8:37

Cuf, bnaḏem war izemmar aḏ ibeddeȓ walu ḏeg umcan n ȓaƹmar nnes.

Luqa 19:26

Aḏawem iniɣ: Wah, wenni iǧan ɣares itmarni-yas. Walakin wenni war ɣar iǧi ca, itwaksi-yas uȓa ḏ min ɣares.

Luqa 9:26

Wenni xafi ɣa iƹeffaren nec niɣ aḏ iƹeffar x wawaȓ inu, ataf axas iƹeffar Mmis n bnaḏem xmi d ɣa yas s lƹaḍama nnes ḏ lƹaḍama n Babas ak lmalaʼikaṯ iqeddsen.

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Yuḥanna 1:51

Aqa tesȓam ȓḥaqq: Aḏ teẓrem ajenna innurzem, lmalaʼikaṯ n Arebbi taȓint hewwant-id x Mmis n bnaḏem."

Yuḥanna 12:34

Nnan-as ȓɣaci nni: "Neccin nesȓa zi min iqqar Lkitab qa Lmasiḥ aḏ iqqim i ȓebda. Iwa, mammec ṯeqqareḏ cek qa Mmis n bnaḏem itxeṣṣa aḏ itwasbedd ḏeg ujenna? Min iƹna Mmis-a n bnaḏem qaƹ?"

Yuḥanna 5:27

Yuca-as ƹaweḏ jjheḏ ḥima aḏ iḥaseb minzi netta ḏ Mmis n bnaḏem.

Ȓexḏayem 10:22

Nnan-as: "Qa neccin issekk-aneɣ-d Kurninyus ijjen n uƹaskari ḏ ameqqran n arrumanus. Netta ḏ ijjen n uryaz nican iteggweḏ Arebbi, tweqqaren-ṯ marra ȓqum n Ayṯ-Israʼil. Inna-as ijjen n lmalak n Arebbi: Sekk ɣar Buṭrus, aḏ d yas ɣar ṯeddarṯ nnec aḏas ṯṣennṭeḏ min ḏac ɣa yini."

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Galaṭya 6:14

Walakin nec ƹemmarṣ aḏ ftaxareɣ illa zi ṣṣalib n Siḏiṯneɣ Ƹisa Lmasiḥ. Zi ṣṣalib nnes iy zi ṯetwaṣelleb ddunect i nec, u zzayes ƹaweḏ nec iy zi twaṣellbeɣ i ddunect.

1 Ayṯ-Salunik 2:19

Liʼanna ḏ kenniw iy iǧan ḏ lʼamal nneɣ ḏ ȓefraḥeṯ nneɣ ḏ ttaj nneɣ n ccan zzaṯ i Siḏiṯneɣ Ƹisa xmi d ɣa yas.

1 Ayṯ-Salunik 3:13

Aḏawem isejheḏ uȓawen nwem bac aḏ tiȓim bȓa ȓƹib aḏ tiȓim muqeddsin zzaṯ i Arebbi Babaṯneɣ xmi d ɣa yas Siḏiṯneɣ Ƹisa ak marra ṣṣaliḥin nnes.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 1:16

Aḏ ibarek Siḏi Arebbi ȓeḥbab n umaṯneɣ Wanisfur, aṭṭas n ṯwaȓaṯin isertaḥ-ayi war iseḏḥi ca x snaseȓ inu.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

Iƹibraniyen 11:16

Walakin lla, rezzun x yijjen n ṯmurṯ ḥsen zi ṯenni, iƹni icten ḏeg ujenna. X manayenni Arebbi war iseḏḥi ca aḏas inin qa cek ḏ Arebbi nneɣ minzi netta isewjeḏ-asen ijjen n ṯendint.

Iƹibraniyen 11:26

Ifhem meȓa seḥqaren-ṯ ƹlaḥsab Lmasiḥ iƹni manayenni ɣares lqima ktar zi min ɣarsen ḏ lkunuz ḏi Miṣra. Aqa netta ixezzar ɣar zzaṯ ḏi ljaʼiza nnes.

Iƹibraniyen 13:13

X manaya a nraḥ ɣar Ƹisa ɣar ȓeggwaj n iqiḍan a narbu aḥeggar nni iy xef iṣbar netta.

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.

1 Yuḥanna 2:23

Wenni ɣa inkaren Mmis ataf war ɣares itiȓi ca Babas. Wenni iy ɣa iqebȓen Mmis ataf aɣares yiȓi Babas.

1 Yuḥanna 2:28

A iḥenjiren, ȓexxu ƹiceṯ ḏayes ḥima aɣarneɣ ṯiȓi ijjen n ttiqeṯ war zzayes narewweȓ ca s useḏḥi xmi d ɣa yas aḏaneɣ d imeḍhar.

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.