Marqus 7:5 - Ṯarifiṯ 2020

⁵ Sseqsan-ṯ ifarrisiyen ḏ can imseȓmaḏen n ccariƹa nnan-as: "Mayemmi imeḥḍaren nnec war teggen ca lƹadaṯ n ȓejḏuḏ nneɣ? Mayemmi war siriḏen ca ifassen nsen qbeȓ ma aḏ ccen aɣrum?"

Marqus 7:5 ပူးပေါင်းရင်းမြစ်များ

Matta 15:2

"Mayemmi imeḥḍaren nnec beṭṭȓen lƹadaṯ n ȓejḏuḏ nneɣ? Mayemmi war siriḏen ca ifassen nsen qbeȓ ma aḏ ccen aɣrum?"

Marqus 7:13

Ammu kenniw ṯbeddȓem ȓmaƹna n wawaȓ n Arebbi ḥima aḏ teggem mammec ḏawem iƹjeb ȓḥaȓ s lƹadaṯ nwem iy ṯȓemḏem. Teggem aṭṭas n ṯmesȓayin amecnaw ṯina."

Marqus 7:8

Kenniw ṯejjim ȓuṣiyeṯ n Arebbi, ṯeṭṭfem ḏi lƹadaṯ n yiwḏan u ṣafi."

Marqus 7:9

Inna-asen ƹaweḏ: "Iwa! Tbeṭṭaȓem ȓuṣiyeṯ n Arebbi ḥima aḏ qqiment lƹadaṯ nwem!

Ȓexḏayem 21:21

Itwanna-yasen zaƹma cek ṯseȓmaḏeḏ marra israʼiliyen iy zeddɣen ḏi lxarij aḏ semḥen ḏi Musa, ṯeqqareḏ-asen war ṭehhareṯ ca i ṯarwa nwem, war ḏeffareṯ ca lƹadaṯ nneɣ.

Ȓexḏayem 21:24

Awi yina xeǧes xasen axmi ɣa ṯeggem marra kenniw ȓuḍu nni aṣebḥan bac niṯni aḏ ḥeffen aḏ ḏewȓen ḏ iqeccura. Ammu aḏ ssnen marra min xak itwannan war iǧi bu ḏ ṣṣaḥ. Cek s yixef nnec ṯḏeffareḏ ccariƹa nneɣ.

Ayṯ-Ruma 4:12

U netta ḏ jeddiṯsen ƹaweḏ uȓa n yinni iggin ṭṭahareṯ, walakin maci ggin ṭṭahareṯ u ṣafi. Lla, itxeṣṣa-yasen aḏ ḏeffaren ȓaṯar n lʼiman mamc tuɣa iǧa ɣar jeddiṯneɣ Brahim wami tuɣa ƹaḏ war iggi bu ṭṭahareṯ.

Ayṯ-Galaṭya 1:14

Tuɣa nec tgaƹƹaḏeɣ mliḥ ḏi ddin n Ayṯ-Israʼil ƹȓayen qaƹ ḥsen zeg iqrinen inu. Tuɣa nec rezzuɣ aṭṭas aḏ ggeɣ lwajib ƹlaḥsab lƹadaṯ n ȓejḏuḏ inu.

2 Ayṯ-Salunik 3:11

Liʼanna netsȓa belli ḏinni ȓebƹaḍ zzaywem tbaƹen farq-ccɣeȓ. War xeddmen ca ccɣuȓaṯ nsen, niṯni taḏfen ḏi ccɣuȓaṯ n midden waha.

2 Ayṯ-Salunik 3:6

Fa ay ayṯma, netweṣṣa-kenniw ƹlaḥsab isem n Siḏiṯneɣ Ƹisa Lmasiḥ aḏ tbeƹƹḏem zi mkuȓ ȓmumen itbaƹen farq-ccɣeȓ, netta war iḏeffar ca ttaƹlim iy ṯqebȓem zzayneɣ.