Marqus 7:28 - Ṯarifiṯ 2020

²⁸ Ṯarra xas ṯemɣarṯ nni ṯenna-as: "Ɣarek ȓḥaqq a Siḏi, walakin uȓa ḏ iqzinen nni iǧan swadday n ṭabȓa tetten ifetwitten n uɣrum ig itweṭṭan zeg iḥenjiren."

Marqus 7:28 ပူးပေါင်းရင်းမြစ်များ

Matta 15:27

Ṯenna-as ṯemɣarṯ nni: "Ɣarek ȓḥaqq a Siḏi, walakin uȓa ḏ iqzinen nni tetten ifetwitten n uɣrum ig itweṭṭan zi ṭabȓa n ayṯbab nsen."

Matta 5:45

ḥima aḏ tiȓim ḏ ṯarwa n Babaṯwem iy iǧan ḏeg ujenna. Ȓaḥeqqac itsummur-d ṯfuct x yinni iṣebḥanen ḏ yinni iƹeffanen. Iticc anẓar i yinni iteggen ȓxir ḏ yinni iteggen ccarr.

Marqus 7:27

Inna-as Ƹisa: "Ejj baƹda iḥenjiren aḏ jjawnen. Maci maƹqul aḏ itwakkes uɣrum n iḥenjiren aḏ imenḍar i iqzinen."

Marqus 7:29

Inna-as Ƹisa: "Ƹlaḥsab awar-a iy ṯenniḏ cem, ruḥ aqa jjenn nni iffeɣ zeg yeǧim."

Ayṯ-Ruma 10:12

Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

Ayṯ-Ruma 3:29

Iwa Arebbi, ma netta ḏ Arebbi n Ayṯ-Israʼil waha? Lla! Ma war iǧi uȓa ḏ Arebbi n yiwḏan war iǧin ca zi Ayṯ-Israʼil? Wah, ḏ Arebbi nsen uȓa ḏ niṯni.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.