Marqus 7:27 - Ṯarifiṯ 2020

²⁷ Inna-as Ƹisa: "Ejj baƹda iḥenjiren aḏ jjawnen. Maci maƹqul aḏ itwakkes uɣrum n iḥenjiren aḏ imenḍar i iqzinen."

Marqus 7:27 ပူးပေါင်းရင်းမြစ်များ

Matta 10:5

Ṯenƹac-a n iryazen issekk-iṯen Ƹisa iweṣṣa-ṯen inna-asen: "War traḥem ca ɣar ṯmura n ȓegnus. War tiḏfem bu ṯineddam n ṯmurṯ n Samarya.

Matta 7:6

War ticceṯ ca min iqeddsen n Arebbi i iqzinen ḥima war ɣarwem d teƹqiben akenniw mezzqen. War neṭṭareṯ ca jjuwhar nwem zzaṯ i yiȓfan ḥima war xasen ƹeffsen ca.

Marqus 7:26

Ṯamɣarṯ nni ḏ ṯayunaniṯ, lʼaṣel nnes zi Surya Finiqya. Ṯettar zzayes aṭṭas ḥima aḏ isufeɣ jjenn nni aƹeffan zeg yeǧis.

Marqus 7:28

Ṯarra xas ṯemɣarṯ nni ṯenna-as: "Ɣarek ȓḥaqq a Siḏi, walakin uȓa ḏ iqzinen nni iǧan swadday n ṭabȓa tetten ifetwitten n uɣrum ig itweṭṭan zeg iḥenjiren."

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ayṯ-Ruma 15:8

Cuf, nec qqareɣ-awem Lmasiḥ yusa-d ḥima aḏ yiȓi ḏ axeddam n Ayṯ-Israʼil bac aḏ d ismeḍhar lḥaqiqa n Arebbi aḏ igg min iwƹeḏ ssalaf ṣṣaliḥin.

Ayṯ-Ufasus 2:12

Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.