Marqus 6:31 - Ṯarifiṯ 2020

³¹ Aṭṭas n yiwḏan tasen-d traḥen. Ƹisa ḏ imeḥḍaren nnes war ufin ȓweqṯ waxxa aḏ ccen. X manaya inna-asen: "Araḥem-d waḥeḏwem ɣar yijjen n umcan ixȓa aḏ ṯreyyḥem cwayt."

Marqus 6:31 ပူးပေါင်းရင်းမြစ်များ

Matta 14:13

Wami d yarra Ƹisa ȓexbar nni, iruḥ ssenni waḥḏes ḏi ṯɣarrabut ɣar yijjen n umcan ixȓa. Arrin-d ȓexbar ȓɣaci, ḏfaren-ṯ zi ṯneddam x iḍaren.

Marqus 1:45

Walakin netta min igga? Iruḥ ibḏa issawaȓ aṭṭas, isufeɣ ȓexbar aȓ wami iḏweȓ Ƹisa war izemmar aḏ yaḏef ɣar ca n ubilaj bȓa ma aḏ isnuffar ixef nnes. Tuɣa labud itɣima ḏeg imucan ixwan, walakin waxxa amenni iwḏan tasen-d ɣares ḏinni zi marra imucan.

Marqus 3:20

Irewweḥ-d Ƹisa ɣar ṯeddarṯ, munen-d ƹaweḏ ȓɣaci aȓ wami war izemmar Ƹisa ḏ imeḥḍaren nnes aḏ ccen uȓa ḏ aɣrum.

Marqus 3:7

Iffeɣ Ƹisa ak imeḥḍaren nnes ihwa ɣar cceṭṭ n ȓebḥar, iḏfar-iṯen ijjen n lƹadad ḏ ameqqran n yiwḏan zi ṯmurṯ n Ljalil ḏ ṯmurṯ n Yahuḏiya

Yuḥanna 6:1

Menbaƹd i manaya iruḥ Ƹisa aḏ iẓwa ȓebḥar n Ljalil (qqaren-as i ȓebḥar nni Ṭabarya).