Marqus 6:14 - Ṯarifiṯ 2020

¹⁴ Azeǧiḏ Hirudus yarra-d ȓexbar x min itegg Ƹisa minzi isem nnes iḏweȓ maƹruf aṭṭas. Ḏinni can yiwḏan qqaren qa wanita iƹni ḏ Yaḥya nni, itwasekkar-d netta zi ȓmewṯ! S manaya iy ɣares jjheḏ iy zi itegg lmuƹjizaṯ-a.

Marqus 6:14 ပူးပေါင်းရင်းမြစ်များ

Matta 9:31

Walakin niṯni ruḥen sufɣen ȓexbar nni x Ƹisa ḏi ṯmurṯ nni marra.

Marqus 1:28

Ȓexddenni intacar ȓexbar nnes ḏi mkuȓ amcan ḏi jwayeh n Ljalil.

Marqus 1:45

Walakin netta min igga? Iruḥ ibḏa issawaȓ aṭṭas, isufeɣ ȓexbar aȓ wami iḏweȓ Ƹisa war izemmar aḏ yaḏef ɣar ca n ubilaj bȓa ma aḏ isnuffar ixef nnes. Tuɣa labud itɣima ḏeg imucan ixwan, walakin waxxa amenni iwḏan tasen-d ɣares ḏinni zi marra imucan.

Marqus 8:28

Arrin xas nnan-as: "Ijjen iqqar cek ḏ Yaḥya, ijjen iqqar cek ḏ Ilyas, ijjen iqqar cek zi lʼanbiya."

Luqa 13:31

Nhar nni qarrben ȓebƹaḍ zi ȓḥizeb n ifarrisiyen ɣar Ƹisa nnan-as: "Ffeɣ ssanita aqa azeǧiḏ Hirudus irezzu ac ineɣ!"

Luqa 3:1

Azeǧiḏ Qayṣar Tibaryus yuweḍ xemessṭacar ssna zeg wami iteḥkam, lƹam nni ƹaweḏ Bilaṭus Lbanṭi netta ḏ lḥakem x Yahuḏiya, Hirudus netta ḏ lwali x Ljalil, umas Filippas netta ḏ lwali x Iṭurya ḏ jwayeh n Tarxanitis, Laṣan netta ḏ lwali x Abilina,

Luqa 7:17

Iffeɣ ȓexbar-a x Ƹisa ḏi marra ṯamurṯ n Yahuḏiya ḏ marra jwayeh iy ḏas d innḍen.

Luqa 9:19

Arrin xas nnan-as: "Ijjen iqqar cek ḏ Yaḥya. Ijjen iqqar cek ḏ Ilyas. Ijjen iqqar cek zi lʼanbiya iqḏimen iy d ikkaren zi ȓmewṯ."

1 Ayṯ-Salunik 1:8

Zzaywem kenniw iy d iffeɣ ṣṣut n wawaȓ n Siḏiṯneɣ. Maci iffeɣ-d ḏi Masidunya ḏ Uxaya waha; Lla, iffeɣ-d ȓexbar-a x lʼiman nwem zi Arebbi ɣar yiwḏan ḏi marra imucan. X manaya war ḏaneɣ itxeṣṣi ca axas nessiweȓ minzi iwḏan tesȓan xawem.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.