Marqus 5:22 - Ṯarifiṯ 2020

²² Yusa-d ɣares ijjen zi arruyas n ṯemziḏa n Ayṯ-Israʼil qqaren-as Yagrus. Wami iẓra Ƹisa iwḍa-yas ɣar iḍaren nnes

Marqus 5:22 ပူးပေါင်းရင်းမြစ်များ

Matta 2:11

Uḏfen ṯaddarṯ nni, ufin aḥenjir nni ak yemmas Maryam, wḍan x ifadden nsen sejjḏen-as. Kksen-d ȓeknuz nsen, iƹni ddheb ḏ tbaxur lluban ḏ yijjen n ȓḥajeṯ ḏ tufuḥ qqaren-as murr, ucin-as-ṯen ḏ lhadiyaṯ.

Marqus 5:33

Wami ṯessen ṯemɣarṯ nni min ḏas iweqƹen ṯeggweḏ terjiji, ṯusa-d ṯewḍa ɣar iḍaren nnes ṯƹaweḏ-as marra lḥaqiqa.

Marqus 5:38

Wami uwḍen ɣar ṯeddarṯ n arrayes nni n ṯemziḏa, itwaȓa Ƹisa ḏinni lharaj ḏ yiwḏan trun sɣuyiwen aṭṭas.

Luqa 13:14

Arrayes n ṯemziḏa nni war ḏas iƹjib bu ȓḥaȓ wami Ƹisa isgenfa ṯamɣarṯ nni ḏi nhar n ssebṯ n lƹibada. Ikkar netta inna-asen i yiwḏan: "Arebbi yuca settiyyam n ȓxeḏmeṯ, ḏi settiyyam nni iy d ɣa tasem aḏ tgenfim, war iǧi bu ḏi nhar n lƹibada."

Luqa 5:8

Simƹan Buṭrus wami iẓra manaya yusa-d iwḍa ɣar iḍaren n Ƹisa inna-as: "A Siḏi, beƹƹeḏ xafi nec ḏ lƹaṣi."

Luqa 8:28

Wami yufa Ƹisa ḏinni ibḏa isnekkar ṯɣuyyeṯ, iwḍa ɣar iḍaren n Ƹisa indeq-d s yijjen n ṯmijja ṯuƹȓa inna-as: "A Ƹisa a Mmis n Arebbi Yuƹȓan, min ṯexseḏ zzayi? Tettareɣ zzayek ḥima war ḏayi tƹeddibeḏ ca!"

Ȓexḏayem 13:15

Menbaƹd i ṯɣuri zi Lkutub n Ccariƹa n Musa ḏ lʼanbiya, ssekken arruyas n ṯemziḏa awaȓ nsen i Barnaba ḏ Cawul nnan-asen: "Ay ayṯma, meȓa ɣarwem can wawaȓ iy zi ɣa ṯcejjƹem ccaƹb-a, inim-asen-ṯ."

Ȓexḏayem 18:17

Kkaren marra iḏsen ṭṭfen Sastin ȓefqi n ṯemziḏa n Ayṯ-Israʼil uwṯin-ṯ zzaṯ i lmaḥkama. Galyun netta war ṯ icqi ca manayenni qaƹ.

Ȓexḏayem 18:8

Ȓefqih n ṯemziḏa nni qqaren-as Krispus, yumen s Siḏiṯneɣ netta ḏ marra ȓeḥbab nnes. Xarebbi n yiwḏan zi ṯendint n Kurinṯ wami sȓin i wawaȓ n Bulus, umnen twaṭehharen s waman.

Lwaḥi 22:8

Ḏ nec Yuḥanna iy sȓiɣ, ẓriɣ ṯimesȓayin-a. Wami sȓiɣ, ẓriɣ manaya, hwiɣ aḏ sejjḏeɣ ɣar iḍaren n lmalak nni iy ḏayi d ismeḍharen ṯimesȓayin-a.