Marqus 5:15 - Ṯarifiṯ 2020

¹⁵ Usin-d ɣar Ƹisa ufin aryaz nni iy ḏi tuɣa iǧa aberru n jnun yareḍ arruḍ nnes iqqim igenfa s ȓaƹqeȓ nnes. Uca ggwḏen aṭṭas.

Marqus 5:15 ပူးပေါင်းရင်းမြစ်များ

Matta 12:29

Iwa mammec? War izemmar ḥadd aḏ ihjem x ṯeddarṯ n can yijjen ijheḏ bac aḏ yacar agȓa nnes illa meȓa icedd-iṯ ḏ amezwaru. Uca aḏas yawi marra min ɣares ḏi ṯeddarṯ.

Matta 26:53

Ma tɣir-ac war zemmareɣ aḏ ttareɣ i Baba aḏayi d issekk ȓexxu ktar zi ṯenƹac n ljuyuc n lmalaʼikaṯ?

Matta 4:24

Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

Matta 9:33

Wami isufeɣ Ƹisa jjenn nni, ibḏa uzeynun nni issawaȓ. Qqimen tƹejjben ȓɣaci nni nnan: "Ƹemmarṣ ma iwqeƹ manaya ḏi ṯmurṯ n Ayṯ-Israʼil."

Marqus 5:14

Yinni yarewwsen arewȓen sufɣen ȓexbar ḏi ṯendint ḏ ȓedcuraṯ. Ffɣen-d yiwḏan ḥima aḏ xzaren min iweqƹen.

Marqus 5:16

Xbaren-ṯen ȓechuḏ x min iweqƹen i uryaz nni iy ḏi tuɣa ǧan jnun ḏ min ḏasen iweqƹen i yiȓfan.

Marqus 5:18

Wami tuɣa innay ḏi ṯɣarrabut, ittar zzayes uryaz nni iy ḏi tuɣa ǧan jnun inna-as: "Ejj-ayi akic raḥeɣ."

Marqus 5:4

Aṭṭas n ṯwaȓaṯin carrfen-ṯ zeg ifassen ḏ iḍaren s snaseȓ ḏ leqtina, walakin iqeṭṭew snaseȓ itrezza leqtina. War izemmar uȓa ḏ ijjen aṯ iṭṭef.

Marqus 5:9

Isseqsa-ṯ Ƹisa inna-as: "Mammec ḏac qqaren?" Inna-as: "Nec qqaren-ayi Aberru minzi neccin aṭṭas iḏneɣ."

Luqa 10:39

Akiḏes ijjen n učmas nettaṯ qqaren-as Maryam ṯruḥ ṯeqqim ɣar iḍaren n Siḏiṯneɣ ṯebḏa tsennaṭ i wawaȓ nnes.

Luqa 8:27

Wami yuweḍ Ƹisa ɣar ȓbarr iȓqa-ṯ-iḏ ijjen n bnaḏem zi ṯendint ḏayes jnun. Netta aṭṭas zeg wami war yarreḍ bu warruḍ war izeddeɣ ca ḏi ṯeddarṯ, izeddeɣ ḏeg imeḍȓan.

Ayṯ-Kulus 1:13

Isefȓeṯ-aneɣ zi ȓeḥkam n ṯaǧest issiweḍ-aneɣ ɣar ȓmulk n Mmis iƹizzen.

2 Timutawus 1:7

Aqa Arebbi war ḏaneɣ yuci ca ijjen n arruḥ n ṯiggwḏi; Lla, qa yuca-aneɣ-d ijjen arruḥ n jjheḏ ḏ ȓemḥibbeṯ ḏ ȓeḥkam x yixef nneɣ s ȓaƹqeȓ.