Marqus 4:38 - Ṯarifiṯ 2020

³⁸ Netta iǧa ɣar puppa n ṯɣarrabut iṭṭeṣ isummeṯ ijjen n ṯsunta. Sfaqen-ṯ imeḥḍaren nnan-as: "A Lmuƹallim, ma war c ithimi ca manaya? Aqa neccin netmetta!"

Marqus 4:38 ပူးပေါင်းရင်းမြစ်များ

Matta 22:16

Ssekken ɣares can imeḥḍaren nsen ak can yiwḏan zi ȓḥizeb n uzeǧiḏ Hirudus aḏas inin: "A Lmuƹallim qa nessen belli cek nican iy ṯeǧiḏ. War teggwḏeḏ ca zeg yiwḏan ȓaḥeqqac war teggeḏ bu s wuḏemawen. Ṯseȓmaḏeḏ s ȓḥaqq mammec ixes Arebbi a nƹic.

Matta 8:25

Qarrben ɣares imeḥḍaren, sfaqen-ṯ nnan-as: "A Siḏi, nejja-yaneɣ aqa neccin netmetta!"

Marqus 4:37

Ikkar-d ijjen n arriḥ ijheḏ aṭṭas ḏi ȓebḥar, ȓemwaj ccaṯent ṯaɣarrabut nni aȓ wami ṯebḏa tƹemmar s waman.

Marqus 4:39

Ikkar isbedd arriḥ inna-as i ȓebḥar: "Sqar, qḍeƹ ȓḥiss!" Uca ibedd arriḥ irsa ȓḥaȓ.

Luqa 8:24

Qarrben ɣares imeḥḍaren sfaqen-ṯ nnan-as: "A Lmuƹallim a Lmuƹallim, aqa neccin netmetta!" Ikkar Ƹisa isbedd arriḥ ḏ ȓemwaj ihedden ȓḥaȓ irsa.

Yuḥanna 4:6

Ḏinni anu n Yaƹqub. Wami Ƹisa yuḥeȓ s ubriḏ ag uzyen n nhar, iqqim ɣar wanu nni n Yaƹqub.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 4:15

Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.

1 Buṭrus 5:7

Marra imnusen jjem-ṯen i netta minzi netta ithella ḏaywem.