Marqus 4:20 - Ṯarifiṯ 2020

²⁰ Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ tarwen. Ȓebƹaḍ tarwen ṯȓaṯin, ȓebƹaḍ settin, ȓebƹaḍ miyya."

Marqus 4:20 ပူးပေါင်းရင်းမြစ်များ

Matta 13:23

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am can bnaḏem ig itesȓan i wawaȓ n Arebbi, ifehhem-as itarew. Ijjen itarew miyya, ijjen settin, ijjen ṯȓaṯin."

Matta 13:8

Walakin can zzarriƹeṯ ṯewḍa x ṯmurṯ ṯaṣebḥant, ṯegga ṯiyḏerin. Ȓebƹaḍ ggint miyya, ȓebƹaḍ ggint settin, ȓebƹaḍ ggint ṯȓaṯin.

Marqus 4:8

Walakin can zzarriƹeṯ ṯewḍa x ṯmurṯ ṯaṣebḥant, ṯuȓi-d ṯemɣar ṯegga ṯiyḏerin. Ȓebƹaḍ ggint ṯȓaṯin, ȓebƹaḍ ggint settin, ȓebƹaḍ ggint miyya."

Luqa 8:15

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 15:2

Kuȓ akeccuḍ iy d iffɣen zzayi war itirew ca izekkunen n uḍiȓ aṯ iqess Baba. U kuȓ akeccuḍ ig itarwen izekkunen n uḍiȓ aṯ izbar ḥima aḏ d yarni izekkunen nneɣni.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

2 Buṭrus 1:8

Cuf, kenniw meȓa ḏaywem ṯimesȓayin-a aḏaysent ṯarennim, ataf aḏaywem yiȓi nnfaƹ aḏ tarwem ƹaweḏ ḏi ṯusna n Siḏiṯneɣ Ƹisa Lmasiḥ.