Marqus 3:2 - Ṯarifiṯ 2020

² Tlaḥaḍen xas ma aṯ isgenfa ma lla ḏi nhar n ssebṯ n lƹibada ḥima aṯ tahmen.

Marqus 3:2 ပူးပေါင်းရင်းမြစ်များ

Matta 12:10

Yufa ḏinni ijjen n uryaz fus nnes immuṯ. Ȓexddenni sseqsan Ƹisa rezzun aṯ tahmen nnan-as: "Ma ḥalal aḏ tesgenfiḏ can yijjen ḏi nhar n ssebṯ n lƹibada ma lla?"

Marqus 3:3

Inna-as Ƹisa i uryaz nni iy ɣar iǧa fus immuṯ: "Bedd ḏi ȓwesṭ."

Luqa 14:1

Ijjen n nhar n ssebṯ n lƹibada iruḥ Ƹisa yuḏef ṯaddarṯ n yijjen zeg imeqqranen n ȓḥizeb n ifarrisiyen ḥima aḏ icc aɣrum, niṯni ḥeṭṭan-ṯ.

Luqa 20:20

Bḏan imseȓmaḏen nni n ccariƹa ḏ arruyas n ȓfuqaha ḥeṭṭan Ƹisa, rezzun aṯ ṭṭfen x can wawaȓen nnes ḥima aṯ sellmen i lḥakem ḏ ssulṭa nnes. Ruḥen ssekken-as i Ƹisa can yiwḏan sneƹmiȓen aqaṯen nican walakin niṯni ḏ ibergagen.

Luqa 6:7

Imseȓmaḏen n ccariƹa ḏ ȓḥizeb n ifarrisiyen tlaḥaḍen xas ma aṯ isgenfa ma lla ḏi nhar n lƹibada ḥima aṯ tahmen.

Yuḥanna 8:6

Nnan-as niṯni manaya tjarraban-ṯ ḥima aṯ tahmen. Ikkar Ƹisa ihwa ɣar ṯmurṯ ibḏa itari ḏeg ucaȓ s ufus nnes.

Yuḥanna 9:16

Nnan ȓebƹaḍ n ifarrisiyen nni: "Bnaḏem nni war iǧi ca zi Arebbi minzi war iweqqar ca nhar n lƹibada." Walakin ȓebƹaḍ nneɣni nnan: "Lla, mammec bnaḏem ḏ lƹaṣi zaƹma aḏ igg lmuƹjizaṯ-a?" X manaya iwqeƹ lxilaf jarasen.