Marqus 2:13 - Ṯarifiṯ 2020

¹³ Iffeɣ Ƹisa ƹaweḏ ɣar ṭṭarf n ȓebḥar, usin-d ɣares marra ȓɣaci iseȓmaḏ-iṯen ḏinni.

Marqus 2:13 ပူးပေါင်းရင်းမြစ်များ

Matta 13:1

Nhar nni, iffeɣ Ƹisa zi ṯeddarṯ iqqim ṭṭarf n ȓebḥar.

Matta 9:9

Wami yuyur ssenni Ƹisa, yufa ijjen n uryaz qqaren-as Matta iqqim ḏeg umcan mani jemmƹen ḍḍariba. Inna-as Ƹisa: "Ḏfar-ayi-d." Uca ikkar Matta iḏfar-iṯ.

Marqus 1:45

Walakin netta min igga? Iruḥ ibḏa issawaȓ aṭṭas, isufeɣ ȓexbar aȓ wami iḏweȓ Ƹisa war izemmar aḏ yaḏef ɣar ca n ubilaj bȓa ma aḏ isnuffar ixef nnes. Tuɣa labud itɣima ḏeg imucan ixwan, walakin waxxa amenni iwḏan tasen-d ɣares ḏinni zi marra imucan.

Marqus 10:1

Ikkar Ƹisa iffeɣ ssenni iruḥ ɣar jwayeh n Yahuḏiya ḏ ujemmaḍ-in n yiɣzar n Lʼurdun. Munen-d xas ḏinni ȓɣaci ƹaweḏ, ibḏa iseȓmaḏ-iṯen amecnaw ȓebda.

Marqus 2:2

Munen aṭṭas n ȓɣaci iƹemmar ȓḥaȓ aȓ wami war iqqim uȓa ḏ ijjen n umcan waxxa zzaṯ i ṯewwarṯ. Issawaȓ akiḏsen Ƹisa s wawar n Arebbi.

Marqus 4:1

Ƹaweḏ ibḏa Ƹisa iseȓmaḏ x ṭṭarf n ȓebḥar. Munen-d xas aṭṭas n ȓɣaci, ikkar netta inya ḏeg yijjen n ṯɣarrabut ḏi ȓwesṭ n waman iqqim ḏayes, iwḏan qqimen marra ḏi ȓbarr x ṭṭarf n ȓebḥar.

Luqa 19:48

War ufin mammec ɣa ggen minzi marra ccaƹb tuɣa itesȓa-yas iqqim ḏeg wawaȓ nnes.

Luqa 21:38

Marra iwḏan traḥen ɣares zic ɣar ṯemziḏa ṯameqqrant ḥima aḏ ṣennṭen i wawaȓ nnes.