Marqus 16:17 - Ṯarifiṯ 2020

¹⁷ Ḏ ṯina ḏ lƹalamaṯ iy d ɣa imeḍharen ak yinni itamnen: Aqa niṯni aḏ sufɣen jnun ƹlaḥsab isem inu, aḏ ssiwȓen s yiȓesawen ḏ jḏiḏ,

Marqus 16:17 ပူးပေါင်းရင်းမြစ်များ

Marqus 9:38

Inna-as Yuḥanna: "A Lmuƹallim, qa neẓra ijjen isufuɣ jnun ƹlaḥsab isem nnec. Neccin nerzu aṯ nesbedd wami war iǧi ca ḏ ameḥḍar akiḏneɣ."

Luqa 10:17

Ḏewren-d ṯnayen u sebƹin nni n imeḥḍaren farrḥen. Nnan-as i Ƹisa: "A Siḏi, qa uȓa ḏ jnun teggen-aneɣ array ƹlaḥsab isem nnec."

Yuḥanna 14:12

Aqa tesȓam ȓḥaqq: Wenni zzayi yumnen, ataf aḏ igg ȓexḏayem iy xeddmeɣ niɣ ktar minzi nec ggureɣ ɣar Baba.

Ȓexḏayem 10:46

Ȓaḥeqqac sȓin-asen ssawaȓen s lluɣaṯ war iǧin bu nsen ḥemmḏen Arebbi. Uca inna Buṭrus:

Ȓexḏayem 16:18

Ṯegga manayenni aṭṭas n nhuraṯ, Bulus war ḏas iƹjib bu ȓḥaȓ. Ineqȓeb-d ɣares inna-as i jjenn nni iy ḏayes: "Nec tamareɣ-cek ƹlaḥsab isem n Ƹisa Lmasiḥ azzayes ṯeffɣeḏ." Ȓexddenni iffeɣ jjenn nni zzayes ḏeg umcan.

Ȓexḏayem 19:6

Wami xasen isers Bulus ifassen nnes, ihwa-d xasen Arruḥ iqeddsen. Bḏan ssawaȓen s lluɣaṯ war iǧin bu nsen, ssawaȓen s minzi ƹeȓmen zi Arebbi.

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

Ȓexḏayem 5:16

Tasen-d aṭṭas n yiwḏan zi ȓeḏcuraṯ iy yuḏsen ɣar Lquds, tawin-d imehȓac nsen ḏ yinni itƹeddaben jnun iƹeffanen niṯni tgenfan marra.

Ȓexḏayem 8:7

Jnun iƹeffanen ffɣen zeg waṭṭas n yiwḏan snekkaren ṯɣuyyeṯ s jjheḏ. Aṭṭas n izeḥḥafen ḏ yinni umi mmuṯen iḍaren genfan.

1 Ayṯ-Kurinṯ 12:10

Ijjen immuc-as aḏ igg lmuƹjizaṯ. Ijjen immuc-as aḏ issiweȓ s min iƹȓem zi Arebbi. Ijjen mmucent-as ṯizemmar aḏ imeyyez jar n arruḥaṯ. Ijjen immuc-as aḏ issiweȓ s ȓebƹaḍ n lluɣaṯ ruḥiyaṯ. Ijjen immuc-as aḏ istarjem lluɣaṯ nni.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 12:30

Ma marra iḏsen ɣarsen lqudraṯ aḏ sgenfan? Ma marra iḏsen ssawaȓen s lluɣaṯ ruḥiyaṯ? Ma marra iḏsen starjamen?

1 Ayṯ-Kurinṯ 13:1

Maƹlik ssawaȓeɣ s yiȓesawen n iṯarrasen s lluɣa, maƹlik ssawaȓeɣ s lluɣa n lmalaʼikaṯ iƹni ruḥiya, maca ȓemḥibbeṯ war ḏayi tiȓi ca, iȓi tseddaƹeɣ am yij n darbuga, temqerqabeɣ am ȓeqraqeb waha.

1 Ayṯ-Kurinṯ 14:2

Cuf, wenni issawaȓen s lluɣa ruḥiya, ma issawaȓ ak yiwḏan? Lla, issawaȓ ak Arebbi. War ḏinni ḥadd iy ḏas ifehhmen, iqqar ṯimesȓayin s Arruḥ iqeddsen ḏaysent ȓmaƹnaṯ inuffaren.