Marqus 16:16 - Ṯarifiṯ 2020

¹⁶ Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Marqus 16:16 ပူးပေါင်းရင်းမြစ်များ

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Marqus 1:15

Iqqar-asen: Aqa ȓweqṯ ṯuweḍ-d, ȓmulk n Arebbi yuḏes-d. Tubeṯ, amneṯ s Lʼinjil.

Luqa 8:12

Zzarriƹeṯ nni ig iwḍan x ubriḏ nettaṯ am yiwḏan iy tesȓan i wawaȓ n Arebbi. Itraḥ Ibȓis itekkes-asen-ṯ zeg wuȓ ḥima war timnen ca, war nejjmen ca.

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Yuḥanna 3:36

Wenni itamnen zi Mmis ataf ɣares ṯuḏarṯ n ȓebda. Wenni war itṭiƹin ca i Mmis, ataf war ɣares bu ṯuḏarṯ axas iɣḍeb Arebbi."

Yuḥanna 3:5

Inna-as Ƹisa: "Aqa tesȓiḏ ȓḥaqq: Meȓa can yijjen war d ixȓiq ca s waman ḏ Arruḥ n Arebbi, war izemmar aḏ yaḏef ḏi ȓmulk n Arebbi.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Yuḥanna 6:29

Inna-asen Ƹisa: "Ḏ ṯa ḏ ȓxeḏmeṯ n Arebbi: Aḏ tamnem zi wenni iy d issekk netta."

Yuḥanna 6:35

Inna-asen Ƹisa: "Nec ḏ aɣrum n ṯuḏarṯ. Wenni iy ɣari d ɣa yasen war itȓizi ƹemmarṣ. Wenni zzayi ɣa yamnen war itfiḏi ƹemmarṣ.

Yuḥanna 6:40

Min ixes Baba? Ixes belli kuȓ wenni iẓrin Mmis yumen zzayes, aɣares ṯiȓi ṯuḏarṯ n ȓebda nec aṯiḏ sekkareɣ ḏi Nhar Aneggaru."

Yuḥanna 8:24

Nniɣ-awem aḏ temmṯem ḏi ȓmuƹṣiyaṯ nwem. Aḏ temmṯem ḏi ȓmuƹṣiyaṯ nwem iƹni meȓa kenniw war ṯuminem ca belli ḏ nec ig iǧan."

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 13:46

Bulus ḏ Barnaba nnan-asen s yijjen n zƹameṯ: "Neccin tuɣa itxeṣṣa aḏawem nessiweȓ i kenniw ḏ imezwura s wawaȓ n Arebbi. Wami ṯugim, ṯḥekmem x yixef nwem belli kenniw war ṯesḏiheǧem ca ṯuḏarṯ n ȓebda, ȓexxu qa neccin a nraḥ ɣar yinni war iǧin ca zi Ayṯ-Israʼil.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 2:41

Ssenni yinni iqebȓen awaȓ nnes ruḥen twaṭehharen s waman. Nhar nni marnin can ṯeȓtaȓaf iḏsen ɣar ȓmuminin.

Ȓexḏayem 22:16

Y ȓexxu min trajiḏ? Kkar aḏ twaṭehhareḏ s waman, sireḏ zi ȓmuƹṣiyaṯ nnec xmi ɣa ṯȓaɣiḏ x yisem nnes.

Ayṯ-Ruma 3:6

Lla, ƹemmarṣ! Maƹlik amenni, mammec ɣa igg Arebbi aḏ iḥaseb ddunect-a?

Ayṯ-Ruma 4:24

Lla, yura ƹaweḏ ƹlaḥsab neccin umi ḏaneɣ isemṣȓaḥ akiḏes wami zzayes numen zi Arebbi wenni iy d isekkaren Siḏiṯneɣ Ƹisa zi ȓmewṯ.

2 Ayṯ-Salunik 1:8

Aḏ intaqem zeg yinni war issinen ca Arebbi ḏ yinni war itṭiƹin ca i Lʼinjil n Siḏiṯneɣ Ƹisa.

2 Ayṯ-Salunik 2:12

Ḥima aḏ twaḥasben marra yinni war yuminen ca s lḥaqiqa arḍan s ccarr.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."