Marqus 15:46 - Ṯarifiṯ 2020

⁴⁶ Yusef isɣa-d ȓecfen, isehwa-d ddat nnes ikeffen-it s ȓecfen. Isers-it ḏeg yijjen n unḍeȓ iɣzin ḏeg uzru igga am yifri. Iseqnunni ijjen n uzru ḏ ameqqran yarri-ṯ x uqemmum n unḍeȓ nni.

Marqus 15:46 ပူးပေါင်းရင်းမြစ်များ

Matta 28:2

Ƹlaɣafla ṯenhezz ṯmurṯ ij unhezzi ḏ ameqqran ȓaḥeqqac ṯehwa-d ijjen n lmalaʼika n Arebbi zeg ujenna, ṯekkes azru nni x ṯewwarṯ ṯeqqim xas.

Marqus 15:45

Wami issen Bilaṭus zeg uƹaskari nni Ƹisa immuṯ, isellem ddat nnes i Yusef.

Marqus 15:47

Maryam ṯamagdaliṯ ḏ Maryam yemmas n Yusis xezzarent mani inḍeȓ.

Luqa 23:53

Iruḥ Yusef isehwa-t-id, ikeffen-it s ȓecfen. Isers-it ḏeg yijjen n unḍeȓ iɣzin ḏeg uzru igga am yifri, ƹemmarṣ war ḏayes inḍiȓ ḥadd.

Yuḥanna 11:38

Ƹisa iziǧez-as ƹaweḏ ḏeg wuȓ nnes, yusa-d ɣar yifri n unḍeȓ yufa xas azru.

Yuḥanna 11:41

Uca niṯni sbeƹƹḏen azru nni. Iysi Ƹisa ṯiṭṭawin ɣar ujenna inna: "Tcekkareɣ-cek a Baba ṯestajbeḏ-ayi.

Yuḥanna 20:1

Ḏi nhar amezwaru n ssimana, ṯusa-d Maryam ṯamagdaliṯ ɣar yifri n unḍeȓ n Ƹisa zic. Tuɣa ƹaḏ ṯaǧest, ṯufa azru itwakkes x yifri n unḍeȓ.