Marqus 14:72 - Ṯarifiṯ 2020

⁷² Ȓexddenni idden uyaziḍ ṯwaȓa wis ṯnayen, ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ marrṯayen aḏayi ṯenkareḏ ṯȓaṯa n ṯwaȓaṯin. Wami ifekkar ḏi manayenni iru imeṭṭawen ḏ imeǧaḥen aṭṭas.

Marqus 14:72 ပူးပေါင်းရင်းမြစ်များ

Matta 26:34

Inna-as Ƹisa: "Aqa tesȓiḏ ȓḥaqq: Ṯa, ǧiȓeṯ-a qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin."

Marqus 14:30

Yarra xas Ƹisa inna-as: "Aqa tesȓiḏ ȓḥaqq: Ṯa, ǧiȓeṯ-a qbeȓ ma aḏ idden uyaziḍ marrṯayen ataf aḏayi ṯenkareḏ ṯȓaṯa n ṯwaȓaṯin."

Marqus 14:68

Inkar Buṭrus inna-as: "War fhimeɣ ca war ssineɣ ca minxef ṯessawaȓeḏ!" Iffeɣ Buṭrus iruḥ ṭṭarf n ṯewwarṯ n ȓemraḥ. {Ȓexddenni idden uyaziḍ.}

Marqus 14:71

Ikkar Buṭrus ibḏa itḥarrem ixef nnes itjaǧa iqqar-asen: "Aryaz-a iy xef ṯessawaȓem nec war ṯ ssineɣ ca!"

Luqa 22:60

Inna-as Buṭrus: "A bnaḏem, nec war ssineɣ ca minxef ṯessawaȓeḏ cek!" Netta wami tuɣaṯ ƹaḏ issawaȓ, ȓexddenni idden uyaziḍ.

Luqa 22:62

Iffeɣ ɣar barra iru imeṭṭawen ḏ imeǧaḥen aṭṭas.

2 Ayṯ-Kurinṯ 7:10

Cuf, axiyyeq zi Arebbi itarew-d ttuba, ttuba-ya ṯneddeh-ikenniw aḏ tnejmem war tejji bu ndameṯ. Axiyyeq zi ddunect-a lla, itarew-d ȓmewṯ.