Marqus 14:65 - Ṯarifiṯ 2020

⁶⁵ Ssenni bḏan ȓebƹaḍ zzaysen ssusufen xas. Ȓeḥḥfen-as x uɣembub nnes ccaṯen-ṯ s ȓpunyaṯ qqaren-as: Iwa a nnabi siweȓ! Uwin-ṯ-id iƹassasen ccaṯen-ṯ s iseqqiȓen.

Marqus 14:65 ပူးပေါင်းရင်းမြစ်များ

Matta 27:30

Ssusufen xas, ysin ɣanim nni bḏan ccaṯen-ṯ zzayes ɣar uzeǧif.

Marqus 10:34

Axas ḍeḥcen, axas ssusfen, aṯ uwṯen s usɣun, aṯ nɣen. Nhar wis ṯeȓtiyyam aḏ d ikkar zi ȓmewṯ."

Marqus 15:19

Ccaṯen-ṯ s yijjen n uɣanim ɣar uzeǧif nnes, ssusufen xas, terkaƹen-as tsejjaḏen-as.

Yuḥanna 18:22

Inna-as Ƹisa manaya ȓexddenni ijjen zeg iƹessasen ibedden ḏinni yuca-as ijjen n useqqiȓ i Ƹisa inna-as: "Ma s wawaȓ-a iy zi ɣa ṯarreḏ x arrayes n ȓfuqaha?"

Yuḥanna 19:3

Tqerraben ɣares ccaṯen-ṯ s iseqqiȓen, qqaren-as ssalam ay azeǧiḏ n Ayṯ-Israʼil.

Ȓexḏayem 23:2

Ikkar Anas arrayes n ȓfuqaha yumar yinni ibedden ak Bulus aṯ uwṯen ɣar uqemmum.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.