Marqus 14:62 - Ṯarifiṯ 2020

⁶² Inna-as Ƹisa: "Wah, ḏ nec. Kenniw aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Marqus 14:62 ပူးပေါင်းရင်းမြစ်များ

Matta 24:30

Uca aḏ tmeḍhar lƹalama n Mmis n bnaḏem ḏeg ujenna, ȓexddenni iy ɣa ḥeznent marra ṯiqebbaȓ n ṯmurṯ. Aḏ ẓrent Mmis n bnaḏem ihewwa-d ḏeg useynu n ujenna s lƹaḍama ḏ jjheḏ nnes imɣaren.

Matta 26:64

Inna-as Ƹisa: "Aqa ṯenniḏ-ṯ cek. Innama, aqa qqareɣ-awem: Zi ssa aȓ ṯsawent aḏ teẓrem Mmis n bnaḏem iqqim x ufusi n Lqawi. Aṯ ṯeẓrem ƹaweḏ ihewwa-d ak useynu n ujenna."

Matta 27:11

Ibedd Ƹisa zzaṯ i lḥakem nni arrumani. Isseqsa-ṯ lḥakem inna-as: "Ma ḏ cek ḏ azeǧiḏ n Ayṯ-Israʼil?" Inna-as Ƹisa: "Aqa ṯenniḏ-t cek."

Marqus 13:26

Ȓexddenni iy ɣa ẓren Mmis n bnaḏem ihewwa-d ḏeg useynu s lƹaḍama ḏ jjheḏ nnes imɣaren.

Marqus 15:2

Isseqsa-ṯ Bilaṭus inna-as: "Ma ḏ cek ḏ azeǧiḏ n Ayṯ-Israʼil?" Inna-as Ƹisa: "Aqa ṯenniḏ-t cek."

Marqus 16:19

Issiweȓ akiḏsen Siḏiṯneɣ Ƹisa ssenni itwarfeƹ ɣar ujenna iqqim x ufusi n Arebbi.

Luqa 22:69

Walakin zi ssa aȓ ṯsawent aḏ iqqim Mmis n bnaḏem x ufusi n Lqawi."

Luqa 23:3

Isseqsa-ṯ Bilaṭus inna-as: "Ma ḏ cek ḏ azeǧiḏ n Ayṯ-Israʼil?" Inna-as Ƹisa: "Aqa ṯenniḏ-t cek."

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 8:1

Iwa, min iǧan muhim ḏi min neqqar? Iƹni ijjen n ȓefqi ameqqran am wenni iy xef nessiweȓ aqaṯ ɣarneɣ neccin. Iqqim netta x ufusi n lƹarc n Arebbi Subḥana wa Tƹala ḏeg ujenna.

Iƹibraniyen 8:10

Ḏ wanita ḏ ȓƹaheḏ iy ɣa ggeɣ ak Ayṯ-Israʼil menbaƹd i ȓweqṯ nni, iqqar-iṯ Siḏi Arebbi. Aḏasen siḏfeɣ ȓuṣiyaṯ inu ḏi ȓaƹquȓaṯ nsen, aɣarsen iȓint ḏ ṯira x wuȓawen nsen. Aḏ iȓiɣ ḏ Arebbi nsen aḏ iȓin ḏ ccaƹb inu.

2 Buṭrus 1:16

Wa cuf, neccin tuɣa war nḏeffar ca ṯiḥuja nni iy twaggent s ȓefṭaneṯ n bnaḏem wami iy kenniw nsefham x jjheḏ nnes ḏ Nhar nni iy ḏi d ɣa yas Siḏiṯneɣ Ƹisa Lmasiḥ; Lla, neccin neẓra s ṯiṭṭawin nneɣ mecḥaȓ ṯemɣar ṯuƹȓat nnes.

Lwaḥi 1:7

Aqa yusa-d ak useynu, aṯ ẓrent marra ṯiṭṭawin ḏ yiwḏan nni iy ṯ icukken. Axas ḥeznen marra ȓqum n ṯmurṯ. Wah, amin.

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.