Marqus 14:41 - Ṯarifiṯ 2020

⁴¹ Iḏweȓ-d ɣarsen wis ṯeȓt-marraṯ inna-asen: "Ƹaḏ ṯeṭṭṣem, ƹaḏ ṯreyyḥem? Ṣafi, baraka! Aqa ṯuweḍ-d ȓweqṯ nni iy ḏi ɣa itwasellem Mmis n bnaḏem ɣar ifassen n yinni iƹeṣṣan.

Marqus 14:41 ပူးပေါင်းရင်းမြစ်များ

Matta 26:2

"Ṯessnem belli Ȓƹiḏ Ameqqran n Ayṯ-Israʼil iqqim-as yuwmayen. Ḏayes iy ɣa itwasellem Mmis n bnaḏem aḏ itwaṣelleb."

Marqus 14:10

Uca ikkar Yahuḏa Isxaryuṭi wenni zi ṯenƹac n arrusul iruḥ netta ɣar arruyas n ȓfuqaha ḥima aḏasen izzenz Ƹisa.

Marqus 14:18

Qqimen tetten inna-asen Ƹisa: "Aqa tesȓam ȓḥaqq: Ijjen zzaywem ittet akiḏi aḏayi izzenz."

Marqus 14:35

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi irezzu axas twakkes ṯsaƹƹat nni.

Marqus 14:40

Iḏweȓ-d ƹaweḏ ɣarsen yufi-ṯen ṭṭṣen ȓaḥeqqac iɣelleb xasen yiḍeṣ. Niṯni ƹaweḏ war ufin min ḏas ɣa inin.

Marqus 14:42

Kkarem a nuyurem qa wenni iy ḏayi ɣa izzenzen aqaṯ yusa-d."

Marqus 7:9

Inna-asen ƹaweḏ: "Iwa! Tbeṭṭaȓem ȓuṣiyeṯ n Arebbi ḥima aḏ qqiment lƹadaṯ nwem!

Marqus 9:31

minzi irezzu aḏ iseȓmaḏ i imeḥḍaren nnes. Inna-asen: "Mmis n bnaḏem aḏ itwasellem ɣar ifassen n yiwḏan. Aṯ nɣen, nhar wis ṯeȓtiyyam menbaƹd i ȓmewṯ nnes aḏ d ikkar."

Yuḥanna 12:23

Indeq-d Ƹisa inna-asen: "Ṯusa-d ȓweqṯ aḏ itwarfeƹ Mmis n bnaḏem.

Yuḥanna 12:27

Ȓexxu ȓaƹmar inu ixeyyeq. Ma aḏ iniɣ: A Baba senjem-ayi zi ȓweqṯ-a? Lla, x ssabab n ȓweqṯ-a minxef iy d usiɣ.

Yuḥanna 17:1

Wami issiweȓ Ƹisa x manaya, iysi ṯiṭṭawin nnes ɣar ujenna inna: "A Baba, ṯuweḍ-d ȓweqṯ. Semɣar Mmic ḥima ac isemɣar.

Yuḥanna 7:30

Ȓexddenni rezzun aṯ ṭṭfen, walakin war xas isers fus ḥadd zzaysen minzi ȓweqṯ nnes ƹaḏ war d tuwiḍ.

Yuḥanna 8:20

Inna awaȓ-a ḏi ṯemziḏa ṯameqqrant nsen mani jemmƹen ṣṣaḏaqa, iseȓmaḏ ḏinni. War ṯ iṭṭif uȓa ḏ ijjen minzi ȓweqṯ nnes ƹaḏ war d tuwiḍ.

Ȓexḏayem 7:52

Ma injem can n nnabi war ṯ ƹeddben ca ȓejḏuḏ nwem? Niṯni nɣin uȓa ḏ lʼanbiya nni n zman iy innan qa aḏ d yas wenni iǧan ṣṣaliḥ, iƹni wenni ȓexxu ṯxeḏƹem kenniw ṯenɣim-ṯ.