Marqus 14:36 - Ṯarifiṯ 2020

³⁶ Inna: "A Baba cek kuȓci ṯzemmareḏ-as, sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Marqus 14:36 ပူးပေါင်းရင်းမြစ်များ

Matta 26:39

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi inna: "A Baba, meȓa mumkin sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Matta 26:42

Ibeƹƹeḏ xasen ṯwaȓa wis ṯnayen, ittar i Arebbi inna: "A Baba, meȓa ȓkas-a n ȓaƹḏab war xafi ṯesbeƹƹḏeḏ ca swiɣ-ṯ, ataf aḏ yiȓi min ixes ȓxaḍar nnec."

Matta 6:9

Ha mammec iy ɣa ṯeẓẓaǧem: A Babaṯneɣ iǧan ḏeg ujenna, ḏ ameqqran ig iǧa yisem nnec.

Marqus 10:27

Ixzar ɣarsen Ƹisa inna-asen: "Iwḏan war zemmaren ca i manaya. Walakin Arebbi wah, izemmar i kuȓci."

Marqus 10:39

Nnan-as: "Wah, nzemmar-as!" Inna-asen Ƹisa: "Wah, ataf aḏ teswem zi ȓkas nni iy zi ɣa sweɣ nec, aḏ tɣeḍsem ḏi ȓaƹḏab nni iy ḏi ɣa ɣeḍseɣ nec.

Marqus 14:37

Iḏweȓ ɣar imeḥḍaren-a yufi-ṯen ṭṭṣen, inna-as i Buṭrus: "Ma teṭṭṣeḏ a Simƹan? Ma war ṯzemmareḏ ca akiḏi ṯfaqeḏ waxxa ḏ ijjen n ṯsaƹƹat waha?

Yuḥanna 12:27

Ȓexxu ȓaƹmar inu ixeyyeq. Ma aḏ iniɣ: A Baba senjem-ayi zi ȓweqṯ-a? Lla, x ssabab n ȓweqṯ-a minxef iy d usiɣ.

Yuḥanna 18:11

Inna-as Ƹisa i Buṭrus: "Arr ssif nnec ɣar umcan nnes. Ȓkas-a n ȓaƹḏab iy ḏayi yuca Baba, ma war sesseɣ ca zzayes?"

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Yuḥanna 5:30

Nec war zemmareɣ aḏ ggeɣ walu zeg yixef inu. Mammec tesȓiɣ, ammu tḥasabeɣ. Lḥisab inu n ȓḥaqq minzi nec war rezzuɣ ca min xseɣ; Lla, rezzuɣ min ixes wenni iy ḏayi d issekken."

Ayṯ-Galaṭya 4:6

Wami ṯḏewȓem kenniw ḏ ṯarwa n Arebbi, issekk-d Arruḥ n Mmis yuḏef ḏeg wuȓawen nneɣ ɣar ḏaxeȓ itȓaɣa iqqar, a Baba a Baba inu!

Ayṯ-Filippas 2:8

Wami d imeḍhar am ṣṣifeṯ n yijjen n bnaḏem, isehwa-d ixef nnes iṭaƹ ḥetta wami immuṯ ijjen n ȓmewṯ ḏi ṣṣalib.

2 Timutawus 2:13

Meȓa nesmeḥ neccin ḏi lʼamana nneɣ, maci aḏ ismeḥ netta ḏi lʼamana nnes, minzi war izemmar aḏ inkar ixef nnes.

Titus 1:2

Lʼiman-a ḏ ṯusna-ya ṯbedda x lʼamal n ṯuḏarṯ nni war ifennin ƹemmarṣ, ṯenni iy zi iwƹeḏ Arebbi iƹni wenni war isxerriqen ca. Iwƹeḏ s ṯuḏarṯ nni qbeȓ ma aḏ bḏan zmanaṯ qaƹ.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.