Marqus 14:24 - Ṯarifiṯ 2020

²⁴ Inna-asen: "Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan.

Marqus 14:24 ပူးပေါင်းရင်းမြစ်များ

Marqus 10:45

Mmis n bnaḏem uȓa ḏ netta war d yusi ca ḥima axas xeḏmen yiwḏan; Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Marqus 14:23

Iysi-d ȓkas icekkar Arebbi yuca-asen-ṯ, swin zzayes marra iḏsen.

Marqus 14:25

Aqa tesȓam ȓḥaqq: Zi ssa aȓ ṯsawent war sesseɣ ca zeg waman-a uḍiȓ ḥetta aȓ Nhar nni iy ṯen ɣa sweɣ zi jḏiḏ ḏi ȓmulk n Arebbi."

Luqa 22:20

Ammu ƹaweḏ menbaƹd i umensi iysi-d ȓkas inna-asen: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu aḏ azzȓen ƹlaḥsab kenniw."

Yuḥanna 6:53

Inna-asen Ƹisa: "Aqa tesȓam ȓḥaqq: Meȓa war ṯeccim ca ddat n Mmis n bnaḏem war ṯsessem ca iḏammen nnes, aḏ tiȓi war ɣarwem bu ṯuḏarṯ ḏeg yixef nwem."

1 Ayṯ-Kurinṯ 10:16

Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ.

1 Ayṯ-Kurinṯ 11:25

Ammu ƹaweḏ wami kemmȓen amensi, iysi-d netta ȓkas nni, inna: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu. Teggeṯ manaya meȓmi ma ṯ ṯeswim ḥima aḏayi tfekkarem."